مدھیہ پردیش: خاتون کی اجتماعی جنسی زیاددتی

مدھیہ پردیش کے ضلع بروانی کے ایڈیشنل سپرنٹنڈنٹ پولیس سنیتا راوت نے بتایا کہ 'وہ خاتوں اپنے شوہر کے ساتھ موٹرسائیکل پرسفر کر رہی تھی۔ اس دوران قریب ہی کے جنگل والے علاقے میں خاتون رفع حاجت کے لیے اتر گئی'۔

مدھیہ پردیش کے ضلع بروانی میں باروفاٹک گاؤں کے قریب ایک عورت کے ساتھ اجتماعی جنسی زیادتی کرنے اور اس کے شوہر کو کچلنے کے الزام میں چار افراد کے خلاف مقدمہ درج کیا گیا ہے۔

پولیس نے بتایا کہ 'مدھیہ پردیش کے ضلع بروانی میں باروفاٹک گاؤں کے قریب ایک جوڑے پر مبینہ طور پر حملہ کیا گیا اور 30 ​​سالہ خاتون کو چار افراد نے اجتماعی زیادتی کا نشانہ بنایا'۔

ایک عہدیدار نے بتایا کہ 'اس جوڑے کو سنگین نتائج کی دھمکیاں دی گئیں اور 24،000 روپے بھی لوٹ لئے گئے'۔

ایڈیشنل سپرنٹنڈنٹ پولیس سنیتا راوت نے بتایا کہ 'یہ واقعہ منگل کی سہ پہر کو اس وقت پیش آیا جب وہ موٹرسائیکل پر اپنے شوہر کے ساتھ سفر کر رہی تھی۔ اس دوران قریب ہی کے جنگل والے علاقے میں خاتون رفع حاجت کے لیے اتر گئی'۔

عہدیدار نے بتایا کہ 'جب وہ زیادہ دیر تک واپس نہیں آئی تو خاتون کا شوہر جنگل میں داخل ہوا تو معلوم ہوا کہ اسے ملزم نے گھیر لیا ہے، جس نے اسے باندھ لیا اور اس کے ساتھ زیادتی کی'۔

راوت نے بتایا کہ 'اس جوڑے نے بدھ کی رات پولیس میں شکایت درج کروائی'۔

انہوں نے مزید کہا کہ 'ملزمان کی شناخت ہوگئی ہے اور جلد ہی انھیں گرفتار کرلیا جائے گا'۔

انہوں نے بتایا کہ 'خارگن رینج کے ڈپٹی انسپکٹر جنرل پولیس تلک سنگھ اور اندور رینج کے انسپکٹر جنرل پولیس ویوک شرما نے جمعہ کو جائے وقوعہ کا دورہ کیا اور آئی پی سی کی متعلقہ دفعات کے تحت مقدمہ درج کیا گیا ہے'۔