مالیگاؤں: موبائیل چوری معاملے میں کارپوریٹر گرفتار

ریاست مہاراشٹر ضلع ناسک کے مالیگاؤں میں91 موبائیل فون کی چوری کے الزام میں مقامی کارپوریٹر مزمل بفاتی کو گرفتار کر لیا گیا ہے۔

مالیگاؤں میں گزشتہ شب ضلع پربھنی کی کرائم برانچ کے اے پی آئی آلے وار (جنتور) نے موبائیل کی چوری کے معاملے میں قانونی کارروائی کرتے ہوئے انہیں گرفتار کیا ہے۔

ملزم مصطفیٰ چوروا ساکن مالیگاؤں اور کارپوریٹر مزمل بفاتی ساکن مالیگاؤں کے ساتھ ایک اور نامعلوم ملزم کو مقامی کرائم برانچ اور سٹی پولس عملہ کی مدد سے گرفتار کرکے پربھنی کے قریب واقع جنتور پولس کے حوالے کردیا ہے۔

تفصیلات کے مطابق 91 موبائیل فون چوری ہونے کی خبر ہے۔

اس میں مالیگاؤں شہر سے کل 30 موبائیل فون ضبط ہوئے ہیں۔

پولس کی مزید کاروائی ابھی تیزی سے جاری ہے۔

مذکورہ معاملے میں پولس نے ملزم پر آئی پی سی کی دفعہ 429 اور دفعہ 457/380 درج کی ہے۔

پولس کی تفتیش کے مطابق مقامی دو افراد اس چوری کے موبائیل کو فروخت کرنے میں شامل ہیں۔

کرائم برانچ کی جانب سے مزید ملزمین کی تلاش جاری ہے۔