اب تک کورونا سے آزاد رہنے والے چتوڑ گڑھ ضلع میں موڈیفائیڈ لاک ڈاؤن کے دوران کورونا کی زد میں آئے پڑوسی بھیل واڑہ ضلع میں بجری مافیا کے سرگرم ہونے سے یہاں بھی کورونا کا خطرہ پیدا ہوسکتا ہے۔
ایڈیشنل سپرنٹنڈنٹ پولیس سریتا سنگھ کے مطابق ضلع کی منڈفیا تھانہ پولیس نے کل شام بجری سے بھرے چھ ڈمپر ضبط کرکے چھ ڈرائیوروں کو گرفتار کیا ہے۔
گرفتار ڈرائیوروں سے پوچھ گچھ سے پتہ چلا ہے کہ یہ سبھی ڈمپر بھیلواڑہ ضلع کے ہمیر گڑھ کے نزدیک بناس ندی سے بجری بھر کر گنگرار ٹول ناکے سے ہوکر چتوڑ گڑھ کے باہری علاقے سے نکلنے والی ہائی وے پر دوبارہ چڑھ کر ہائی وے ہوتے ہوئے منڈفیا پہنچے تھے۔ ۔
اس جانکاری کے بعد پولیس حیران رہ گئی اور سبھی کو آج کوارنٹائن میں بھجوادیا گیا ہے۔ گرفتار ڈمپر ڈرائیوروں میں بھیلواڑہ ضلع کے کائنا کھیڑا کا رتن لا گرجر، مکیش گوجر، دھنوالیا کا شیام لال گوجر اور چتوڑ گڑھ ضلع کے گاؤں دیودا کا پرکاش گوجر اور شمبھو گوجر سونیانا کا راجندر راجاوٹ شامل ہیں۔
