آن لائن پب جی ٹورنامنٹ کے خلاف پولیس میں شکایت

سماجی تنظیم پروگریسیو یوتھ لیگ نے سی سی ایس سائبر کرائم سے شکایت کی کہ آن لائن پب جی ٹورنامنٹ کو روکنے کے لیے مداخلت کی درخواست کی ہے۔

تنظیم کے اراکین نے الزام لگایا ہے کہ آسانی کے ساتھ رقم حاصل کرنے کے لیے نوجوانوں کو گمراہ کیاجارہا ہے اور یہ کھیل کھیلنے کے لیے نوجوانوں سے 30 روپے رجسٹریشن فیس لی جارہی ہے جو پے ٹی ایم کے ذریعہ لی جارہی ہے۔

انہوں نے کہا کہ اس ٹورنامنٹ کے آرگنائزر نےاس کھیل میں ہر فرد کو ہلاک کرنے پر10 روپے اور ہر چکن ڈنرکے لیے 200روپے کی پیشکش کر رہے ہیں۔

انہوں نے ٹورنمنٹ کے آرگنائزرز کے خلاف فوری کارروائی کرنے کامطالبہ کیا جو سوشل میڈیا پر اس کھیل کی تشہیر کر رہے ہیں۔ان افراد نے پولیس سے اپیل کی کہ وہ نوجوانوں کو ان کے جال میں آنے سے بچائیں۔