بی جے پی کے سینئر رہنما اور راجیہ سبھا ممبر ویوک ٹھاکر نے کونچ کے سندھواری میں فائرنگ معاملے کی منصفانہ جانچ کی مانگ کی ہے ۔ وویک ٹھاکر سندھواری گاؤں پہنچے اور متاثرین سے ملاقات کے بعد پولیس کی کاروائی پراطمینان کا اظہار کیا ۔
بی جے پی رہنماء نے سندھواری دہرے قتل متاثرین کے لواحقین سے ملاقات کی انہوں نے کونچ بلاک کے سندھواری میں دوہرے قتل معاملے کے اہل خانہ سے ملاقات کی اور مقتول کے گھروالوں کو سرکاری ملازمت کی یقین دہانی کروائی۔ انہوں نے سب سے اپیل کی کہ وہ امن قائم رکھیں اور پولیس انتظامیہ کے ساتھ ہر طرح سے تعاون کریں۔
ساتھ ہی انہوں نے خضر سرائے کے اترما گاؤں بھی جاکر متوفی کے کنبہ سے ملاقات کی اور انہیں تسلی دی۔
پولیس افسر سے بات کرنے کے بعد انہوں نے واقعے کے متعلق جانکاری حاصل کی اور مطالبہ کیا کہ مجرموں کو جلد گرفتار کیا جائے۔انہوں نے اس موقع پر حزب اختلاف کے رہنماء تیجسوی یادو پر بھی شدید نکتہ چینی کی اور کہاکہ گوپال گنج کانڈ میں انہیں متاثرین سے ہمدردی نہیں ہے بلکہ وہ پٹنہ میں بیٹھ کر صرف ہنگامہ کرنا چاہتے تھے۔
واضح رہے کہ ضلع گیا کے کونچ بلاک میں واقع سندھواری گاوں میں گزشتہ ماہ دوگروپ میں تصادم ہوا تھا۔ جس میں دو افراد کی موت کے بعد اس معاملے نے سیاسی رخ اختیار کرلیا ہے ۔ اب تک درجن سے زائد حکمراں جماعت جے ڈی یو ، بی جے پی ، ایل جی پی کے رہنماوں نے پہنچ کر لواحقین سے ملاقات کرچکے ہیں ، دراصل معاملے پر اسلئے بھی سیاست ہورہی ہے کیونکہ گولی مارنے والے گروپ کاتعلق یادو برادری سے ہے ۔
وویک ٹھاکر نے کہا کہ قانون میں طاقت ہے۔ مجرم فرار نہیں ہوسکتا۔ کسی بھی صورت میں قانون کوہاتھ میں لینا نہیں چاہئے۔ ایک شخص خراب ہوسکتا ہے پورا معاشرہ اور برادری نہیں۔
