مہاراشٹر کے دارالحکومت ممبئی سے متصل شہر بھیونڈی کے سبھاش نگر میں رہائش پذیر ایک مزدوروں کی سات برس کی معصوم بچی کے ساتھ جنسی زیادتی کے بعد اسے قتل کر دیا اور بچی کی شناخت مٹانے کے لیے پتھروں کے اس کا چہرہ کچل کر مسخ کرنے کی کوشش کی گئی۔
معصوم کے ساتھ جنسی زیادتی کے بعد اس کا قتل، ویڈیو تفصیلات کے مطابق گزشتہ شب تقریباً 10 بجے پائل نامی (تبدیل شدہ نام) سات برس کی معصوم بچی گھر کے باہر اپنے چھوٹے بھائی کے ساتھ کھیل رہی تھی اسی دوران آئسکریم کا لالچ دے کر نامعلوم شخص نے اسے اغوا کر لیا۔
جس کے بعد بچی کے والدین نے اس کی تلاش شروع کی لیکن اس کا کوئی سراغ نہیں لگ سکا جس کے بعد پولیس اسٹیشن میں گمشدگی کی شکایت درج کرائی گئی۔
اگلی صبح مقامی شخص نے پولیس کو اطلاع دی کہ جھاڑیوں میں ایک بچی کی لاش پڑی ہوئی ہے جس کی شناخت پولیس نے گزشتہ شب گمشدہ ہونے والی بچی کے طور پر کی۔
اس بات کی اطلاع پولیس نے اعلیٰ افسران کو دی جس کے فوراً بعد بھیونڈی کے ڈپٹی پولیس کمشنر راج کمار شندے سمیت شہر کے سبھی پولیس اسٹیشن کے سینیئر پولیس انسپکٹرز اور اے سی پی کے علاوہ تھانے اور بھیونڈی کرائم برانچ کی ٹیم نے جائے واردات پر پہنچ کر باریک بینی سے تحقیقات کرتے ہوئے لاش کو آئی جی ایم ہسپتال بھیج دیا جہاں سے اس بچی کی لاش کو ممبئی کے جے جے ہسپتال پوسٹ مارٹم کے لیے روانہ کیا گیا۔
اس بابت ڈپٹی پولیس کمشنر راج کمار شندے نے بتایا کہ ' اس معاملے میں پولیس نے ایک شخص کو حراست میں لے کر اس سے پوچ تاچھ کر رہی ہے۔
