کانپور میں اے ایس آئی کا مبینہ قتل

ریاست اترپردیش کے شہر کانپور سے متصل پنکی پاور ہاؤس میں تعینات اسسٹنٹ پولیس سب انسپیکٹر(اے ایس آئی) رامویر سنگھ کو مبینہ طور پر بے رحمی سے قتل کر دیا گیا۔

گذشتہ شب نامعلوم افراد نے اینٹ سے اے ایس آئی رامویر سنگھ کو کچل کر ہلاک کردیا اور ان کی لاش کو طالاب میں پھینک کر فرار ہوگئے۔

اس کے بعد ملزم رامویر سنگھ کی کار لے کر فرار ہوگئے ، تاہم پولیس نے انہیں پکڑ لیا۔

رامویر سنگھ سرسوتی اپارٹمنٹ میں اپنے اہل خانہ کے ساتھ مقیم تھے۔ وہ پنکی پاور ہاؤس میں تعینات تھے۔ متوفی کی اہلیہ سروج دیوی نے بتایا کہ وہ دوپہر کے وقت گھر سے نکلا تھا ، پھر گھر واپس نہیں آیا۔

شام کو جب پولیس نے ان کی موت کی خبر انہیں دی تو گھر میں کہرام مچ گیا۔

اسی دوران پولیس نے دونوں ملزم کو شوراج پور سے گرفتار کر لیا ہے۔

پولیس کی جانب سے مزید کارروائی کی جا رہی ہے، گرفتار ملزمین سے پوچھ گچھ جاری ہے۔