ارریہ: بھاری مقدار میں شراب کے ساتھ تین بدمعاش گرفتار

بہار کے ضلع ارریہ میں بڑھ رہی نشیلی ادویات اور اس کے استعمال پر روک لگانے کو کے لیے ارریہ پولس چاق و چوبند نظر آ رہی ہے۔

ارریہ میں جگہ جگہ چوک چوراہے پر پولس کے ذریعہ گاڑی چیکنگ مہم چلا کر دوسرے اضلاع سے شہر میں داخل ہو رہے شراب گروہ کو پکڑا جارہا ہے۔

اسی ضمن آج محکمہ ایکسائز کی ٹیم نے بیر گاچھی کے بھنگیا پل پر گاڑی چیکنگ کے دوران ایک اسکارپیو گاڑی کی شک کی بنا پر تلاشی لی گئی جس میں 22 کارٹون بئیر موجود تھا۔

محکمۂ اکسائز اسے ضبط کر لیا اور ساتھ ہی اسے لے کر آ رہے تین بد معاشوں کو بھی گرفتار کر جیل بھیج دیا۔ یہ شراب بنگال سے لائی جا رہی تھی جو ارریہ کے راستے مدھے پورہ بھیجی جارہی تھی۔

ایکسائز آفیسر امرتیش کمار نے بتایا کہ انہیں خفیہ اطلاع ملی تھی کہ بنگال سے شراب کی کھیپ لائی جا رہی ہے، اطلاع ملتے ہی پولس اہلکاروں کے ساتھ بیرگاچھی کے پاس بھنگیا پل پر گاڑیوں کی چیکنگ مہم شروع کردی گئی جس وجہ سے یہ کامیابی ملی۔

انہوں نے کہا کہ پکڑے گئے بد معاشوں سے اور تفتیش کی جارہی ہے کہ یہ کاروبار کس حد تک پھیلا ہوا ہے۔

ملزمین کی شناخت آنند کمار یادو، راہل کمار اور شکتی کمار یادو کے طور پر ہوئی ہے۔