اوور لوڈ ٹرک کے پلٹنے سے ایک ہلاک

بجنور میں ایک اوور لوڈ ٹرک کے پلٹنے سے ای رکشہ پر بیٹھا ایک شخص ٹرک میں بھرے گنے کے ملبے کے نیچے دب گیا، لوگوں نے ای رکشہ پر گرے گنے کو جلدی جلدی ہٹانا شروع کیا۔ لیکن ان سب کے باوجود نیچہ دبنے سے ایک شخص کے ہلاک ہونے کی اطلاع ہے۔

ریاست اتر پردیش کے ضلع بجنور کے تھانہ دھامپور کے نگینہ چوراہے پر گنے سے بھرا اوور لوڈ ٹرکایک ای رکشہ پر جا گرا۔

رکشہ پر بیٹھے دو افراد گنے کے ملبے کے نیچے آگئے لوگوں نے ای رکشہ پر گرے گنے کے ملبے کو جلدی جلدی ہٹانا شروع کیا۔

لیکن ان سب کے باوجود گنے کے ملبے کے زد میں آنے سے ایک شخص کے ہلاک ہوجانے کی اطلاع ہے۔

گنے کے ملبے میں دبے بائیس سالہ نوجوان لڑکے کا نام راجیو بتایا جارہا ہے جس کی موقع پر ہی موت ہو گئی۔

جبکہ وہیں دوسرے شخص یوسف کے زخمی ہونے کی اطلاع ہے جسے فورا ہسپتال میں بھرتی کرا دیا گیا ہے۔

ہلاک ہوئے شخص کے اہل خانہ کا رو رو کر برا حال ہے ۔گنے سے بھرے ٹرک کی تصاویر سی سی ٹی وی کیمرے میں قید ہو گئی ہیں۔

واضح رہے کہ یوپی کے بجنور میں روزانہ سیکڑوں اوورلوڈ گنے سے بھرے ٹرک سڑکوں پر نظر آتے ہیں لیکن پولیس انتظامیہ کی اس تعلق سے کوئی کار وائی نہیں کر رہی ہے۔