عاشق کا معشوقہ پر حملہ

دہلی کے منیرکا علاقے میں ایک شخص نے سرعام ایک عورت پر چاقو سے حملہ کیا، وہ لڑکا تقریباً 10 برسوں سے متاثرہ کے ساتھ لیو اِن میں رہ رہا تھا۔

دار الحکومت دہلی میں ایک عاشق ورون پانڈے نے اپنی معشوقہ پوجا پر نشے کی حالت میں سرعام حملہ کیا، واقعہ دہلی کے منیرکا کا ہے، پوجا جے این یو میں سوپر وائزر کا کام کرتی ہے، اس کی آٹھ سالہ ایک بیٹی بھی ہے،

عاشق کا معشوقہ پر حملہ

جسے اسکول سے چھٹی کے بعد وہ لینے گئی تھی، اتنے میں ورون نشے کی حالت میں وہاں آیا اور بغیر کسی بحث ومباحثے کے پوجا پر حملہ کردیا، اس وقت وہاں کئی افراد موجود تھے، لیکن جب تک کوئی اسے روکتا وہ اپنے کام کو انجام دے چکا تھا۔

وہاں موجود لوگوں نے اپنی گاڑی میں پوجا کو اسپائنل انجری سینٹر ہسپتال میں لے جا کر داخل کرایا، فی الحال وہ موت اور زندگی سے لڑ رہی ہے۔
وہیں لوگوں نے ورون کو پکڑ کر پولیس کے حوالے کر دیا، پولیس نے کیس درج کرلیا ہے۔
اور معاملے کی تفتیش کر رہی ہے۔