اسکول کے کیمپس میں ایک طالب علم کا قتل

ریاست اترپردیش کے ضلع لکھم پور کھیری میں ایک اسکول  کے کیمپس ہی میں چھٹی جماعت کے دو طلبا  کے درمیان لڑائی ہوئی، جس میں ایک مارا گیا۔

یوم جمہوریہ کے دوسرے دن 27 جنوری 2020 کو سارے بچے پیر کی صبح اپر پرائمری اسکول امیر نگر پہنچے۔

اس دوران کھیلتے ہوئے دو طلبا کے مابین جھگڑا شروع ہوگیا۔

چھٹی جماعت کے دو طلباء نے آپس میں لڑائی شروع کردی۔

،چھٹی جماعت کے طالب علم فرحان قریشی کو زیادہ چوٹ لگی، وہ زخم کی طاب نہ لاکر زمین پر گر پڑا، اسے فوراً قریبی ہسپتال میں علاج کے لیے لے جایا گیا۔

جہاں ڈاکٹروں نے فرحان کو مردہ قرار دے دیا۔

اس واقعے سے علاقے میں سنسنی پھیل گئی ہے۔

اسکول میں فوری چھٹی کر دی گئی۔

دوسری جانب پولیس اہلکار حالات کو قابو میں کرنے کے لیے موقع واردات پر موجود ہیں۔

لکھم پور کھیری کی اسی پی پونم نے بتایا کہ چھٹی کلاس کے دو بچوں کے مابین لڑائی ہوئی تھی۔ لڑائی میں ، اب تک بچے کے پیٹ میں تیز مکوں کا نشان منظر عام پر آچکا ہے۔