نوئیڈا: غیرقانونی شراب کے 48 کارٹون برآمد

نوئیڈا میں ڈسٹرکٹ ایکسائز آفیسر راکیش بہادر سنگھ کی سربراہی میں مشترکہ ٹیم نے تھانہ فیس تھری کے ایک مکان پر چھاپہ مار کرغیرقانونی شراب کے 48 کارٹون برآمد کیا ہے۔

ریاست اترپردیش کے ضلع نوئیڈا میں ڈسٹرکٹ ایکسائز آفیسر راکیش بہادر سنگھ کی سربراہی میں غیر قانونی شراب کے خرید و فروخت اور نقل و حمل کو روکنے کی مہم جاری ہے۔

اسی مہم کے تحت مشترکہ ٹیم نے گاؤں واجد پور تھانہ فیس تھری میں ایک مکان پر چھاپہ مارا اور ریاست ہریانہ میں فروخت کے لیے شراب کے 48 کارٹون برآمد کیا ہے۔

ایکسائز ٹیم کو دیکھتے ہی ملزم فرار ہوگئے، مفرور ملزمان راجیش، راہل ولد جےویر سنگھ اور ستیش ولد سریندر یادو ساکن گاؤں واجد پور تھانہ فیس تھری کے خلاف ایکسائز ایکٹ کی دفعہ 63 اور دیگر متعلقہ دفعات کے تحت رپورٹ درج کرائی گئی ہے۔