کم پٹرول دینے پر دو درجن افراد گرفتار

تلنگانہ کے سائبرآباد کمشنریٹ کے حدود میں الٹ پھیر کی شکایات کے بعد ایس او ٹی پولیس نے مختلف پٹرول پمپس پر چھاپہ مارا۔

سائبرآباد کے کئی پٹرول پمپس میں کم پٹرول ڈالنے، چپس لگاتے ہوئے لوگوں کو دھوکہ دینے کی شکایات سامنے آئی، جس پر ایس او ٹی پولیس نے حیدرآباد میں 13 پٹرول پمپس کو مہر بند کر دیا۔

سائبرآباد ایس او ٹی پولیس کی اطلاع پر آندھرا پردیش میں 26 پٹرول پمپس کو اے پی پولیس نے مہربند کر دیا۔ بتایا جاتا ہے کہ یہ چپس مہاراشٹر سے پٹرول پمپس کے مالکین نے منگوائے تھے اور ان کو لگاتے ہوئے پٹرول میں چوری کی جا رہی تھی۔ اس طرح کی دھوکہ دہی پر پولیس نے 26 افراد کو حراست میں لے لیا ہے۔