سنڑل جیل سے ایک ساتھ ایک درجن موبائل فون برامد ہوئے ہیں۔
اس سلسلے میں سول لائن تھانے کی پولیس میں مقدمہ درج کیا گیا ہے ۔
جب کہ پولیس پورے معاملے کی تحقیقات کر رہی ہے۔
شمالی سرکل آفیسر پرینکا رگھوونشی کے مطابق جیل انتظامیہ نے جیل میں اچانک معائنہ کیا۔
جس میں 12 موبائل فون برآمد ہوئے ، جن میں سے بیشتر اینڈرائڈ اسمارٹ فونز بتائے جارہے ہیں۔
یہ موبائل زمین میں دبے ہوئے پائے گئے ہیں حالاں کہ کسی بھی قیدی کے قبضے سے کوئی موبائل اور سم برآمد نہیں ہوا ہے۔
ایک برس کے دوران ایک بار پھر جیل کی سکیورٹی پر سوالیہ نشان کھڑا ہوگیا ہے۔
یہ بھی پڑھیں:راجستھان کی سیاسی صورت حال پر ایک نظر
اس سے قبل بھی اے سی بی نے اجمیر سنٹرل جیل میں کارروائی کرتے ہوئے جیل کے اندر سہولت فراہم کرنے کے نام پر غیر قانونی کام کرنے والے کچھ افراد کو گرفتار کیا تھا۔
ایک سال کے اندر دوبارہ موبائل برامد ہونے سے سکیورٹی پر سوالیہ نشان پیدا ہوگیا ہے۔