کیف:یوکرین کے صدر ولادیمیر زیلنسکی نے شمالی بحر اوقیانوس معاہدہ تنظیم (نیٹو) کے سکریٹری جنرل جینز اسٹولٹن برگ کے ساتھ اپنے ملک کے یورو-اٹلانٹک انضمام کے بارے میں فون پر بات چیت کی۔ زیلینسکی نے بدھ کے روز بتایا کہ وہ نیٹو کے ساتھ انضمام کی سمت میں قدم بڑھاتے ہوئے اسٹولٹن برگ کے ساتھ رابطہ کر رہے ہیں۔ Ukraine Euro-Atlantic Integration
ایک دیگر ٹویٹ میں اسٹولٹن برگ نے کہا کہ نیٹو یوکرین کے لیے اپنی حمایت کو برقرار رکھے گا اور اس سے آگے بڑھے گا۔ واضح رہے کہ 30 ستمبر کو زیلینسکی نے کہا تھا کہ یوکرین نیٹو کی رکنیت کے لیے ایک تیز رفتار عمل کے ذریعے درخواست دے گا۔