Cessna Plane in Philippines شمالی فلپائن میں سیسنا جہاز کا ملبہ اور چھ لاشیں برآمد

شمالی فلپائن کے ازا بیلا صوبہ میں سیسنا جہاز کا ملبہ اور چھ لاشیں برآمد ہوئی ہے۔ ازابیلا صوبہ رسک ریڈکشن اینڈ مینجمنٹ آفس نے کہا کہ 'ملبے کی شناخت اس کے رنگ سے کی گئی۔' six bodies found in northern Philippines

منیلا:شمالی فلپائن کے ازا بیلا صوبہ میں ریسکیو ملازمین نے 24جنوری کو پرواز بھرنے کے فورا بعد لاپتہ ہونے والے جہاز کا ملبہ اور اس میں سوار چھ لوگوں کی لاش جمعرات کو برآمد کیا۔ ازابیلا صوبہ رسک ریڈکشن اینڈ مینجمنٹ آفس کے اہم کانسٹینٹ فوروڈا نے کہا کہ ریسکیو ملازمین کو ایک ساحلی میونسپلٹی کے قریب ایک جنگلی پہاڑی کے ڈھلان پر جہازکا ٹکڑا ملا۔ فوروڈا نے کہا کہ ملبے کی شناخت اس کے رنگ اور پونچھ کی تعداد سے کی گئی۔ انہوں نے کہا کہ پائلٹ اور جہاز پر سوار پانچ لوگوں سمیت چھ لوگوں کی لاش کو برآمد کر لیا گیا ہے ۔ خراب موسم کی وجہ سے لاشوں کو لانے میں تین دن کا وقت لگ سکتاہے۔

انہوں نے کہا کہ حادثہ کا شکار ہونے کے بعد جہاز ٹوٹ گیا تھا اور اس کے ٹکڑے پہاڑ کی ڈھلان پر بکھڑے ہوئے تھے۔یہ ایک چھوٹا جہاز تھا۔ یہ ازابیلا صوبہ کے ایک ساحلی شہر جا رہا تھا لیکن اپنے منزل مقصود پر نہیں پہنچ سکا اور راستے میں ہی حادثہ کا شکار ہو گیا ۔ واضح رہے کہ دو ہفتہ قبل فلپائن میں ایک سیسنا 340 گر کر تباہ ہو گیا تھا۔ واقعے کے بعد فلپائنی حکام کو آتش فشاں کے قریب طیارے کے ملبے کی اطلاع ملی تھی۔ سیسنا 340 طیارہ جو بیکول انٹرنیشنل ایئرپورٹ سے منیلا جا رہا تھا لاپتہ ہو گیا۔ چھوٹے طیارے میں چار افراد سوار تھے جن میں دو فلپائنی پائلٹ اور دو آسٹریلوی مسافر شامل تھے۔ حکام نے بتایا کہ دونوں آسٹریلوی پاور کمپنی میں کام کر رہے تھے۔

یو این آئی