Biden cancerous skin جو بائیڈن کے جسم سے کینسر والا زخم ہٹایا گیا

طبی معائنے کے دوران امریکی صدر جو بائیڈن کے سینے پر کینسر والے زخم کی تشخیص ہوئی تھی جسے فروری میں کامیابی سے نکالا گیا۔

واشنگٹن: امریکی صدر جو بائیڈن کے ڈاکٹر نے جمعہ کے روز کہا کہ جوبائیڈن کے سینے سے جلد کا زخم کینسر کا بیسل سیل تھا۔ بایوپسی نے تصدیق کی ہے کہ زخم بیسل سیل کارسینوما تھا۔ انہوں نے کہا کہ سبھی کینسر سیل کو کامیابی سے ہٹادیا گیا ہے۔ اب انہیں کسی علاج کی ضرورت نہیں ہے۔ امریکی صدر جو بائیڈن کے ڈاکٹر کیون سی او کونر نے وائٹ ہاؤس کی پریس سیکرٹری کرین جین پیئر کو ایک خط میں لکھا کہ زخم کو ہٹا دیا گیا ہے۔ علاج کے طور پر بایپسی کی گئی۔ وائٹ ہاؤس کی جانب سے جاری کیے گئے خط کے مطابق بائیڈن کے سینے سے جلد کا زخم 16 فروری کو ہٹا دیا گیا تھا۔ ڈاکٹر کے مطابق بایپسی سے تصدیق ہوئی کہ چھوٹا زخم بیسل سیل کارسنوما تھا۔

ڈاکٹر نے کیرین جین پیئر کو لکھے گئے خط میں کہا کہ 16 فروری کو والٹر ریڈ نیشنل میڈیکل سینٹر میں صدر کے سینے سے جلد کے زخم کو ان کی صحت کی جانچ کے حصے کے طور پر ہٹا دیا گیا تھا۔ اوکانر نے کہا کہ بایوپسی کی جگہ اچھی طرح سے ٹھیک ہوگئی ہے۔ صدر بائیڈن اپنی مناسب ہیلتھ سروس کے حصے کے طور پر اسکن سے متعلق نگرانی جاری رکھیں گے۔ انہوں نے بتایا کہ زخم میں بیسل سیل، میلینوما یا اسکویمس سیل کارسینوما جیسے کچھ سنگین اسکن کینسر کے لیے جانے جاتے ہیں۔ حالانکہ، بیسل سیل میں شکل میں بڑھنے کی صلاحیت ہوتی ہے، اس لیے انہیں سرجری کے ذریعے ہٹانے کی ضرورت ہوتی ہے، ورنہ صورتحال سنگین بھی ہوسکتی ہے۔