Russia Ukraine War روس سے تنازع پر یوکرین کو امریکہ کا مشورہ

امریکہ نے یوکرین کو روس سے بات چیت شروع کرنے کا مشورہ دیا ہے اور کہا ہے کہ وہ صدر پوتن کے اقتدار سے ہٹنے تک مذاکرات سے کام چلانے کی کوشش کرے۔ امریکی حکام نے اپنے یوکرینی ہم منصبوں کو روسی صدر پوتن کے فی الحال مذاکرات کے حوالے سے سنجیدہ نہ ہونے سے بھی آگاہ کیا تاہم یہ بھی تسلیم کیا کہ دونوں ممالک کے صدور کے درمیان بات چیت کی بندش سے یورپ، افریقا اور لاطینی امریکہ میں تشویش ہے جہاں خوراک اور ایندھن کی قیمتوں پر اثرات سب سے زیادہ محسوس کیے گئے ہیں۔Russia Ukraine WarRussia Ukraine War

واشنگٹن: امریکہ نے یوکرین کو روس سے بات چیت شروع کرنے کا مشورہ دیا ہے اور کہا ہے کہ وہ صدر پوتن کے اقتدار سے ہٹنے تک مذاکرات سے کام چلانے کی کوشش کرے۔ امریکہ جو دنیا بھر میں اپنے دہرے معیار اور پالیسیوں کی وجہ سے شہرت رکھتا ہے اس کی ایک اور مثال روس یوکرین جنگ کے دوران سامنے آئی ہے جہاں بظاہر وہ روس کے خلاف مزاحمت پر یوکرین کی حوصلہ افزائی کرتا نظر آتا ہے لیکن اندرون خانہ وہ یوکرین کو حریف صدر ولادیمیر پوتن سے مذاکرات کا مشورہ بھی دے رہا ہے۔Russia Ukraine War

اے آر وائی نیوز میں شائع رپورٹ کے مطابق ماہرین کا خیال ہے کہ امریکہ یہ سب کچھ اس لیے کر رہا ہے کہ اسے اور یورپ کو سردیوں کے موسم میں ایندھن کی قلت کا سامنا ہے اور وہ اس دلدل سے نکلنے کی کوشش کررہا ہے جس میں وہ دھنستا چلا جا رہا ہے۔

امریکی اخبار واشنگٹن پوسٹ نے اپنی ایک رپورٹ میں انکشاف کیا ہے کہ امریکہ نے اندرون خانہ ملاقاتوں میں یوکرین کو مشورہ دیا ہے کہ وہ صدر پوتن کے اقتدار سے ہٹنے تک مذاکرات سے کام چلانے کی کوشش کریں۔

مذکورہ اخبار کو نام نہ ظاہر کرنے کی شرط پر ذرائع نے بتایا کہ امریکہ نے یوکرین کو کہا ہے کہ جب تک کہ روسی صدر اپنے عہدے سے سبکدوش نہیں ہوجاتے یوکرین خود کو روسی صدر سے مذاکرات کے لیے ہر وقت خود کو تیار ظاہر کریں اور انھیں مذاکرات میں ہی مشغول رکھیں۔

رپورٹ کے مطابق امریکی حکام نے اپنے یوکرینی ہم منصبوں کو روسی صدر پوتن کے فی الحال مذاکرات کے حوالے سے سنجیدہ نہ ہونے سے بھی آگاہ کیا تاہم یہ بھی تسلیم کیا کہ دونوں ممالک کے صدور کے درمیان بات چیت کی بندش سے یورپ، افریقا اور لاطینی امریکہ میں تشویش ہے جہاں خوراک اور ایندھن کی قیمتوں پر اثرات سب سے زیادہ محسوس کیے گئے ہیں۔

یو این آئی