دنیا میں رہائش کے لحاظ سے محفوظ ترین شہروں میں متحدہ عرب امارات (یو ای اے) کے پانچ شامل ہیں،بین الاقوامی ویب سائٹ نومبیو نے دنیا کے محفوظ ترین 10 شہروں کی فہرست مرتب کی ہے جس میں متحدہ عرب امارات کے 5 شہر شامل ہیں۔نومبیو نے یہ درجہ بندی اقتصادی، سماجی اور سلامتی شعبوں میں بہترین کارکردگی کی بنیاد پر کی ہے۔
United Arab Emirates, 5 cities among the safest cities in the world
ویب سائٹ کے مطابق متحدہ عرب امارات کی الفجیرہ ریاست دنیا کے محفوظ ترین شہروں میں سرفہرست ہے۔ ابوظبی دوسرے، عجمان ساتویں، شارجہ 8 ویں اور دبئی نویں نمبر پر ہے۔
جرمن انٹرنیشنز فاؤنڈیشن نے پسندیدہ ترین ممالک کے حوالے سے 2022 کے دوران رائے عامہ کا ایک جائزہ تیار کیا جس میں شامل 94 فیصد تارکین وطن نے کہا کہ امارات ان کی نظر میں محفوظ ترین ملک ہے۔اس کی اہمیت کا اندازہ اس بات سے لگایا جاسکتا ہے کہ محفوظ ترین ملک کے حوالے سے اب تک رائے عامہ کے جتنے بھی جائزے ریکارڈ پر آئے ہیں ان میں زیادہ سے زیادہ 81 فیصد تارکین وطن نے کسی ایک ملک کو محفوظ ترین قرار دیا تھا۔