Typhoon Doksuri:چین میں شدید بارش سے 11 افراد ہلاک، 27 لاپتہ

شہرمیں طوفان ڈوکسوری کے زیر اثر 29 جولائی سے خاص طور پرمغربی، جنوب مغربی اور جنوبی حصوں میں مسلسل شدید بارش ہو رہی ہے۔ کل لاپتہ ہونے والے 27 افراد میں مینٹوگو میں 13، چانگپنگ میں 10 اور فانگشان میں چار افراد شامل ہیں۔

بیجنگ:چین میں موسلادھاربارش سے اب تک 11 لوگوں کی موت چکی ہے جبکہ، 27 دیگر افراد لاپتہ ہیں۔ مقامی ذرائع نے منگل کو یہ اطلاع دی ہے۔ ذرائع نے کہا کہ اموات کی زیادہ سے زیادہ تعداد، مینٹوگو میں ہوئی اور فانگشن میں دو کی اطلاع ملی ہے۔ اس کے علاوہ چانگپنگ ضلع میں چار اور ہیڈیان ضلع میں ایک شخص کی موت ہوئی ہے۔ لاپتہ ہونے والے 27 افراد میں مینٹوگو میں 13، چانگپنگ میں 10 اور فانگشان میں چار افراد شامل ہیں۔

شہر میں طوفان ڈوکسوری کے زیر اثر 29 جولائی سے خاص طور پر مغربی، جنوب مغربی اور جنوبی حصوں میں مسلسل شدید بارش ہو رہی ہے۔

منگل کی صبح 6 بجے تک بیجنگ میں اوسط بارش 257.9 ملی میٹر درج کی گئی، جبکہ شہری علاقوں میں اوسط بارش 235.1 ملی میٹر تھی۔ مینٹوگو اور فانگشن میں اوسط بارش بالترتیب 470.2 ملی میٹر اور 414.6 ملی میٹر تک پہنچ گئی۔ بارش کی وجہ سے شہر بھر میں تقریباً 127,000 افرادکو دوسری جگہ ٹھہرایا گیا ہے۔

واضح رہے کہ گزشتہ دنوں بھی چین میں 44 مکانات منہدم ہوئے ہیں اور 178 مکانات کو شدید نقصان پہنچا ہے، جس سے کل 42 کروڑ 80 لاکھ یوآن (تقریباً 59.99 ملین امریکی ڈالر) کا براہ راست اقتصادی نقصان ہواہے۔

یواین آئی۔ م س