Stampede at Iraqi Football Stadium عراقی فٹبال اسٹیڈیم کے باہر بھگدڑ مچنے سے دو افراد ہلاک، درجنوں زخمی

عراق اور عمان کے درمیان کھیلا جانے والا عرب گلف کپ کے فائنل میچ سے قبل بصرہ کے ایک اسٹیڈیم کے باہر بھگدڑ مچنے سے دو افراد کے ہلاک ہونے کی خبر ہے۔ فائنل میچ میں آج شام 7 بجے میزبان عراق کا مقابلہ عمان سے ہونا ہے۔

بصرہ: عربی گلف کپ کے فائنل سے قبل جنوبی عراق کے شہر بصرہ کے ایک اسٹیڈیم کے باہر بھگدڑ مچنے سے کم از کم دو افراد ہلاک اور درجنوں زخمی ہو گئے ہیں۔ الجزیرہ کے مطابق عراقی وزارت داخلہ نے بتایا کہ جمعرات کو ہونے والی بھگدڑ میں دو افراد ہلاک اور تقریبا 80 افراد زخمی ہوئے ہیں۔ زخمی افراد میں سے کئی کی حالت تشویشناک بتائی جارہی ہے۔ عرب گلف کپ کا فائنل میچ آج شام 7 بجے میزبان عراق کا مقابلہ عمان سے ہونا ہے۔ اس فائنل میچ کو دیکھنے کی امید میں صبح سے ہی ہزاروں شائقین بغیر ٹکٹ کے اسٹیڈیم کے باہر جمع تھے۔ سوشل میڈیا پر پوسٹ کی گئی تصاویر اور ویڈیوز میں اسٹیڈیم کے باہر لوگوں کا ایک سمندر دکھائی دے رہا ہے۔

واضح رہے کہ یہ ٹورنامنٹ 6 جنوری کو شروع ہوا، جس میں خلیج تعاون کونسل کے چھ ممالک - بحرین، کویت، عمان، قطر، سعودی عرب اور متحدہ عرب امارات کے ساتھ ساتھ یمن اور عراق کی ٹیمیں شامل تھیں۔ 1979 کے بعد یہ پہلا موقع ہے کہ عراق نے ٹورنامنٹ کی میزبانی کی ہے۔