Pakistan Road Accident پاکستان میں فوجی اہلکار کی گاڑی کی ٹکر سے تین بچے ہلاک

پاکستان کے گلگت بلتستان میں عید کی تقریبات کے دوران تین بچوں کی اس وقت موت ہو گئی جب ایک فوجی افسر کی گاڑی نے انہیں ٹکر مار دی۔ وہیں اس حادثے میں ایک زخمی بچے کی حالت تشویشناک ہے۔ Road Accident in Gilgit Baltistan

اسلام آباد:پاکستان کے زیر قبضہ کشمیر کے گلگت بلتستان میں عید کی تقریبات کے دوران ایک فوجی افسر کی گاڑی کی ٹکر سے تین بچے ہلاک اور تین زخمی ہو گئے۔ 'ڈان' اخبار نے ایک ریسکیو افسر کے حوالے سے یہ اطلاع دی۔ واقعہ کے بارے میں اطلاع دیتے ہوئے ریسکیو 1122 کے انچارج ضلع گھانچے عاشق حسین نے بتایا کہ تمام بچے نئے کپڑے پہنے گاؤں بارہ بالا میں سڑک پر تھے۔ مقامی لوگوں نے بتایا کہ بچے قریبی دکان پر گئے تھے کہ بے قابو گاڑی ان پر چڑھ گئی۔ عاشق حسین نے بتایا کہ واقعہ کے بعد پولیس نے گاڑی کے ڈرائیور کو حراست میں لے کر تفتیش شروع کر دی، جب کہ ریسکیو ٹیم نے زخمیوں کو پہلے طبی امداد دی اور پھر انہیں علاج کے لیے ڈسٹرکٹ ہیڈ کوارٹر ہسپتال گھانچے منتقل کیا۔

انہوں نے بتایا کہ ایک زخمی بچے کی حالت تشویشناک ہے۔ اس سے قبل بھی مختلف علاقوں میں ایسے واقعات رونما ہوچکے ہیں۔ اے آر وائی نیوز نے رپورٹ کیا کہ پنجاب کے شہر دنیا پور میں بھی ایسا ہی ایک واقعہ دیکھا گیا، جہاں ایک کارواں راستے میں کچھ جھونپڑیوں سے ٹکرا گیا، جس سے چار بچوں سمیت کم از کم سات افراد ہلاک ہو گئے تھے۔ اے آر وائی نیوز نے رپورٹ کیا کہ جب پولیس اور ریسکیو ٹیمیں پہنچیں تو وہ زخمیوں اور جاں بحق افراد کو تحصیل ہیڈ کوارٹر (ٹی ایچ کیو) ہسپتال لے گئے۔

امدادی کارکنوں کے مطابق مرنے والوں میں چار بچے اور دو خواتین شامل ہیں۔ دریں اثناء گزشتہ ماہ ضلع دیامر میں چلاس کے قریب شاہراہ قراقرم پر راولپنڈی سے اسکردو جانے والی مسافر کوسٹر کھائی میں گرنے سے 3 افراد ہلاک اور 18 زخمی ہوگئے تھے۔ اس سے قبل فروری میں کوہستان کے قریب گیزر سے راولپنڈی جانے والی مسافر بس کھائی میں گرنے سے گلگت بلتستان سے تعلق رکھنے والے 25 مسافر جاں بحق ہو گئے تھے۔

یو این آئی