ٹیسلا کے سی ای او ایلون مسک Elon Musk ٹویٹر کے 100 فیصد حصص خریدنے کے لئے تیار ہیں۔ انہوں نے جمعرات کو مائیکروبلاگنگ سائٹ ٹوئٹر کے لیے 41.39 بلین امریکی ڈالر کی پیشکش کی۔ انہوں نے کہا کہ یہ ان کی طرف سے 54.20 ڈالر فی حصص کے حساب سے نقد خریدنے کے لیے بہترین اور حتمی بولی تھی۔ ٹوئٹر نے جمعرات کو اسٹاک ایکسچینج کو بتایا کہ مسک نے بدھ کے روز ٹوئٹر کو ایک خط بھیجا، جس میں کمپنی کے باقی حصص خریدنے کی تجویز پیش کی گئی ہے۔ Elon Musk Offers to Buy Twitter
ٹوئٹر کو پرائیویٹ کمپنی بنانا ضروری ہے: اسٹاک مارکیٹ کو دی گئی معلومات میں ایلون مسک نے کہا کہ 'میں نے ٹوئٹر میں اس لیے سرمایہ کاری کی کیونکہ میں دنیا بھر میں اظہارِ رائے کی آزادی کا پلیٹ فارم بنانے پر یقین رکھتا ہوں، اور میں سمجھتا ہوں کہ اظہار رائے کی آزادی ایک فعال جمہوریت کے لیے سماجی ضروریات میں سے ہے۔ اپنی سرمایہ کاری کرنے کے بعد، میں نے محسوس کیا کہ کمپنی اپنی موجودہ شکل میں نہ تو ترقی کرے گی اور نہ ہی اس سماجی ضرورت کو پورا کرے گی۔ ٹویٹر کو ایک نجی کمپنی میں تبدیل کرنے کی ضرورت ہے۔