Terrorist Attack in Pakistan پاکستان میں پولیس اسٹیشن پر دہشت گردوں کا حملہ، چار پولیس اہلکار ہلاک

پاکستان کے صوبہ خیبرپختونخوا میں ایک نئے تعمیر شدہ پولیس اسٹیشن پر دہشت گردانہ حملے میں کم از کم چار پولیس اہلکار ہلاک اور اتنے ہی زخمی ہوگئے۔Terrorist Attack in Pakistan

اسلام آباد: پاکستان کے شمال مغربی صوبہ خیبر پختونخوا کے ضلع لکی مروت میں اتوار کو ایک پولیس اسٹیشن پر دہشت گردوں کے حملے میں چار پولیس اہلکار ہلاک اور چار زخمی ہو گئے۔ پولیس کے مطابق دہشتگردوں کی جانب سے رات کے وقت پولیس اسٹیشن برگئی پر حملہ کیا گیا، دہشت گردوں نے تھانہ برگئی پر 2 اطراف سے حملہ کیا، جس کے بعد پولیس اور دہشت گردوں کے درمیان شدید فائرنگ کا تبادلہ ہوا۔Terrorist Attack in Pakistan

پولیس کی جوابی کارروائی کے بعد حملہ آور موقع سے فرار ہو گئے، جبکہ زخمی پولیس اہلکاروں کو قریبی ہسپتال میں داخل کرایا گیا۔ ذرائع کا کہنا ہے کہ واقعے کے بعد پولیس کی نفری موقع پر پہنچ گئی اور دہشت گردوں کی تلاش کے لیے سرچ آپریشن جاری ہے۔ ابھی تک کسی گروپ نے اس حملے کی ذمہ داری قبول نہیں کی ہے۔ لکی مروت میں تھانے پر حملے میں شہید ہونے والے اہلکاروں میں کانسٹیبل ابراہیم، عمران، خیر الرحمٰن اور سبز علی شامل ہیں۔

کے پی پولیس کا ٹویٹ

ہلاک اہلکاروں کی نماز جنازہ لکی مروت پولیس لائن میں ادا کردی گئی۔ کے پی پولیس نے ٹویٹ کیا کہ لکی مروت کے تھانہ برگئی پر شرپسندوں کے حملے سے شہید ہونے والے 4 پولیس اہلکاروں کی نماز جنازہ پولیس لائن میں ادا کردی گئی۔ پولیس کے چاقو چوبند دستے نے سلامی پیش کی. آر پی او بنوں سید اشفاق انور، ڈی پی او ضیاءالدین، اعلی فوجی و سول حکام سمیت پولیس افسران اور عوام نےجنازے میں شرکت کی۔