Taiwan China Tension: چین کا مقصد ہم پر قبضہ کرنا ہے، تائیوان

تائیوانی وزیر خارجہ جوززف وو نے خدشہ ظاہر کیا کہ چین کا ارادہ خطے اور آبنائے تائیوان کی موجودہ حیثیت کو تبدیل کرنا ہے۔ اس نے 4 روزہ فوجی مشقوں کی مدت ختم ہونے کے بعد بھی جاری رکھا ہوا ہے جو کہ علاقائی امن و سلامتی کے لیے خطرہ ہے۔ Taiwan China Tension

تائی پے: تائیوانی وزیر خارجہ جوزف وو کا کہنا ہے کہ تائیوان کے اطراف چینی فوجی مشقیں تائیوان پر حملے کے منصوبے کا حصہ ہیں۔ وزیر خارجہ نے ایک پریس کانفرنس کے دوران خدشہ ظاہر کیا کہ چین کا ارادہ خطے اور آبنائے تائیوان کی موجودہ حیثیت کو تبدیل کرنا ہے۔ اس نے 4 روزہ مشقوں کو مدت ختم ہونے کے بعد بھی جاری رکھا ہوا ہے جو کہ علاقائی امن و سلامتی کیلیے خطرہ ہے۔ جوزف وو کا کہنا تھا کہ چین، فوجی مشقوں، سائبر حملوں اور معاشی جبر سے تائیوانی عوام کا حوصلہ کم کرنے کی کوشش کر رہا ہے، مگر وہ یاد رکھے کہ وہ ہمارے جمہوری حقوق کو سلب نہیں کر سکے گا۔Taiwan China Tension

دوسری جانب چینی حکام نے تائیوانی وزیر خارجہ کے اس بیان کو حقائق کے منافی قرار دیا ہے۔ واضح رہے کہ گزشتہ دنوں امریکی ایوان نمائندگان کی اسپیکر نینسی پلوسی نے چین کی دھمکیوں کے باوجود تائیوان کا دورہ کیا تھا جس کے جواب میں چین نے تائیوان کے اطراف میں جنگی مشقیں شروع کر دی تھیں۔ (یو این آئی)