Erdogan on Education مستحکم اور اجتماعی ترقی کے لیے انسانیت کا مضبوط ترین ہتھیار تعلیم ہے، اردوغان

رجب طیب اردوغان نے کہا کہ پائیدار اقتصادی اور اجتماعی ترقی کے لیے انسانیت کا مضبوط ترین آلہ تعلیم ہے اور تعلیم عالمگیر انسانی حق ہے، کوئی بچہ خواہ دنیا کے کسی بھی گوشے میں کیوں نہ ہو معیاری تعلیم تک رسائی کا حق رکھتا ہے۔ Erdogan on Education

انقرہ: ترکیہ کے صدر رجب طیب اردوغان نے کہا ہے کہ مستحکم اور اجتماعی ترقی کے لیے انسانیت کا مضبوط ترین آلہ تعلیم ہے۔ انہوں نے کہا کہ تعلیم کے شعبے میں اٹھائے گئے اقدامات کے ساتھ ہم نے ترکیہ کو ایسے مقام پر پہنچا دیا ہے جہاں ہر حوالے سے اس کی مثال پیش کی جاتی ہے۔ Erdogan on Education

صدر اردوغان نے، دارالحکومت انقرہ میں وزارت تعلیم اور اقتصادی ترقی و تعاون تنظیم او ای سی ڈی کے تعاون سے منعقدہ، 'پیشہ وارانہ تعلیم کے سربراہی اجلاس' میں ویڈیو پیغام کے ذریعے شرکت کی۔ پیغام میں انہوں نے اجلاس کے وسیلہ خیر و برکت بننے کی تمنّا ظاہر کی اور کہا ہے کہ پائیدار اقتصادی ترقی اور اجتماعی ترقی کے لیے انسانیت کے ہاتھ کا مضبوط ترین آلہ تعلیم ہے۔ انہوں نے کہا ہے کہ تعلیم عالمگیر انسانی حق ہے۔ کوئی بچہ خواہ دنیا کے کسی بھی گوشے میں کیوں نہ ہو معیاری تعلیم تک رسائی کا حق رکھتا ہے۔

صدر اردوغان نے کہا ہے کہ حالیہ 20 برسوں میں ہم نے ہر سالانہ بجٹ میں سب سے بڑا حصہ تعلیمی بجٹ کا رکھا ہے۔ تعلیم کے شعبے میں اٹھائے گئے اقدامات کے ساتھ ہم نے بڑے پیمانے پر پیش رفت کو یقینی بنایا ہے۔ ہم نے ترکیہ کو ایسے مقام پر پہنچا دیا ہے جہاں ہر حوالے سے اس کی مثال پیش کی جاتی ہے۔ انہوں نے کہا ہے کہ پیشہ وارانہ تعلیم نے خواتین کو روزگار کی فراہمی میں بھی نہایت اہم پیش رفت دِکھائی ہے۔ ترکیہ وزارت تعلیم اور او ای سی ڈی کے تعاون سے منعقدہ 'پیشہ وارانہ تعلیمی سربراہی اجلاس' ملکی تجربات کے تبادلے اور شرکاء کی قابلِ قدر آراء جاننے کا بھی وسیلہ بنے گا۔ (یو این آئی)