کولمبو: مقامی میڈیا نے اٹارنی جنرل کے محکمے کے حوالے سے بتایا کہ ان قوانین کے تحت ایک آزاد کمیشن قائم کیا جائے گا اور اس کے افسران مجسٹریٹ کے حکم یا وارنٹ کے بغیر مشتبہ افراد کو گرفتار کر سکیں گے۔
رپورٹ کے مطابق نئے قوانین آزاد کمیشن کے ڈائریکٹر جنرل کو بھی اختیار دیں گے تاکہ وہ بدعنوانی کی سرگرمیوں میں استعمال ہونے والے مشتبہ آلات کو ان لاک یا ان انکرپٹ کرنے کے لےے مجسٹریٹ کی اجازت حاصل کریں اور اس میں موجود معلومات فراہم کریں۔ یہ بل سرکاری عہدیداروں کو سری لنکا کے اندر اور باہر اپنے اثاثوں اور ذمہ داریوں کا وقتاً فوقتاً اعلان کرنے پر مجبور کرنے کی بھی کوشش کرے گا۔