Spain Summons Iran Ambassador اسپین نے مظاہرین کے کریک ڈاؤن پر ایرانی سفیر کو طلب کیا

ایران میں پولیس حراست میں 22 سالہ مہسا امینی کی ہلاکت پر مختلف شہروں میں احتجاجی مظاہرے کئی روز بعد بھی جاری ہیں۔ ہسپانوی وزارت خارجہ نے ایک پریس بیان شائع کیا ہے جس میں مظاہرین کے خلاف تشدد کی مذمت کی گئی اور ایران سے اپنے شہریوں کا احترام کرنے اور تحفظ دینے کا مطالبہ کیا۔ Spain Summons Iran Ambassador

میڈرڈ: ہسپانوی وزارت خارجہ نے ایران میں مظاہروں کو دبانے کے لیے جاری حکومتی کریک ڈاؤن کی خلاف ایرانی سفیر حسن غسغاوی کو طلب کیا ہے۔ یوروپا پریس نیوز ایجنسی نے بدھ کو یہ اطلاع دی۔ ہسپانوی وزارت خارجہ نے ایک پریس بیان شائع کیا جس میں مظاہرین کے خلاف تشدد کی مذمت کی گئی اور ایران سے اپنے شہریوں کا احترام اور تحفظ دینے کا مطالبہ کیا۔ Spain Summons Iran Ambassador

بیان میں کہا گیا ہے کہ اسپین کی حکومت اسلامی جمہوریہ ایران کے مختلف علاقوں میں پرامن مظاہرین کے خلاف تشدد کی شدید مذمت کرتی ہے اور یہ مطالبہ بھی کرتی ہے کہ ملک کے حکام تمام شہریوں کے حقوق کا احترام کریں اور انہیں مکمل طور پر اظہار خیال، آزادانہ اور پرامن طریقے سے کام کرنے کی ضمانت دیں۔

ایران میں گزشتہ ہفتے 22 سالہ مہسا امینی کی 16 ستمبر کو حجاب کے تنازع پر پولیس کے ہاتھوں حراست میں لیے جانے کے بعد ہلاکت کے بعد بڑے پیمانے پر فسادات شروع ہوئے۔ مظاہروں کے دوران مبینہ طور پر 40 سے زائد افراد ہلاک اور 100 زخمی ہوچکے ہیں۔

13 ستمبر کو امینی کو ایرانی پولیس نے صحیح ڈھنگ سے حجاب نہ پہننے پر حراست میں لے لیا تھا۔ تھوڑی دیر بعد وہ گر گئی اور کوما میں چلی گئی۔ ایران کا کہنا ہے کہ ان کی موت دل کا دورہ پڑنے سے ہوئی۔ (یواین آئی)