ٹیکساس کے دو شہروں میں فائرنگ، چھ افراد ہلاک

امریکی ریاست ٹیکساس میں فائرنگ کے دو الگ الگ واقعات پیش آئے ہیں جن میں چھ افراد ہلاک اور دو پولیس اہلکار سمیت تین افراد زخمی ہوئے ہیں۔ Firing incident in Texas

ہیوسٹن: ٹیکساس کے دو شہروں آسٹن اور سان انتونیو میں منگل کے روز فائرنگ کے واقعات میں چھ افراد ہلاک اور دو پولیس افسران سمیت تین افراد زخمی ہوگئے ہیں۔ سان انتونیو میں پورٹ رائل سٹریٹ کے 6400 بلاک کے قریب واقع رہائش گاہ پر ایک شخص اور ایک خاتون مردہ پائے گئے ہیں۔ بیکسار کاؤنٹی کے شیرف جیویر سالزار نے کہا کہ میڈیا رپورٹس کے مطابق مرد اور عورت کو منگل کو آسٹن میں ہونے والی فائرنگ سے پہلے مار دیا گیا تھا اس کے بعد ان لوگوں پر فائرنگ کی گئی۔

آسٹن پولیس ڈپارٹمنٹ نے بیکسار کاؤنٹی کے حکام کو بتایا کہ آسٹن فائرنگ کے ہنگامے میں مشتبہ شخص کا پورٹ رائل اسٹریٹ پر واقع رہائش گاہ سے تعلق تھا۔ آسٹن کے حکام کے مطابق 34 سالہ شین جیمز آسٹن میں قتل عام اور فائرنگ کے ساتھ ساتھ سان انتونیو میں دوہرے قتل کا ذمہ دار ہے۔ حالانکہ انہوں نے یہ واضح نہیں کیا ہے کہ جیمز کا سان میں جرائم کے منظر سے تعلق کیسے ہے۔

پورٹ رائل اسٹریٹ کل-ڈی-ساک میں پڑوسیوں نے روزنامہ کی جانب سے پوچھ گچھ کے دوران بتایا کہ دونوں متاثرین خاموش اور منظم تھے، اپنے آپ کو سنبھالے ہوئے تھے، اور انہیں اکثر اپنے گھر سے باہر نہیں دیکھا جاتا تھا، صرف وہ اپنے کتے کو گھمانے کے لئے ہی باہر نکلا کرتے تھے۔

واضح رہے کہ امریکہ کے مختلف علاقوں میں فائرنگ کے واقعات اکثر وبیشتر پیش آتے رہتے ہیں۔ جن میں متعدد افراد ہلاک ہوچکے ہیں۔ امریکہ میں گن کلچر کا دن بہ دن فروغ ہوتا جارہا ہے جس پر نہ صرف حکومت بلکہ عوامی حلقوں کی جانب سے بھی تشویش کا اظہار کیا گیا۔

( آئی اے این ایس )