یوکرین کے صدر ولادیمیر زیلنسکی نے کہا ہے کہ یوکرین میں بلیک آؤٹ کا ذمہ دارروس ہے اور اس کا مقصد جوابی حملے کا انتقام لینے کے لئے بجلی کی کٹوتی کرکے لوگوں کو روشنی اور گرمی سے محروم کرناہے۔
زیلنسکی نے سوشل میڈیا پر اپنی پوسٹ میں شہریوں کے بنیادی ڈھانچے کو نشانہ بناتے ہوئے "دہشت گردانہ کارروائیاں" کرنے کا الزام لگایا۔
Kharkiv blackouts caused by targeted Russian attacks
بی بی سی کی ایک رپورٹ کے مطابق مبینہ بلیک آؤٹ نے کھارکیف اورڈونیٹسک سمیت مشرقی علاقوں میں تقریباً 9 لاکھ افراد کی زندگیوں کو بری طرح متاثرکیا ہے۔
کھارکیف کے میئرایہورتیرخوو نے کہا کہ شہری بنیادی ڈھانچے پر روسی فوجی حملوں نے ان کے شہر میں بجلی اور پانی کی فراہمی کا نظام درہم برہم کر دیا ہے۔ انہوں نے اسے یوکرائنی فوج کی حالیہ کامیابیوں کا بدلہ لینے کی ایک بری اور قابل مذمت کوشش قرار دیا۔
پڑوسی علاقے سومی کے گورنر نے کہا کہ اکیلے ایک ضلع میں 130 سے زائد بستیاں بجلی سے محروم ہیں۔
رپورٹ کے مطابق، نپروپیٹروس اور پولٹاوا علاقوں میں بھی اسی طرح کے مسائل کی اطلاع ملی ہے۔
مزید پڑھیں:UK PM Visits in Ukraine: یوکرینی صدر زیلنسکی اور برطانوی وزیراعظم جانسن کیف کی سڑکوں پر نظر آئے
یواین آئی
