Russia Detains ISIS Suicide Bomber بھارت میں دہشت گردانہ حملے کی منصوبہ بندی کرنے والا داعش کا رکن روس میں گرفتار

روسی فیڈرل سکیورٹی سروس (ایف ایس بی) کا کہنا ہے کہ اس کے افسران نے دہشت گرد تنظیم داعش کے ایک رکن کو حراست میں لیا ہے جو بھارت میں حکمراں جماعت کے سینیئر رہنماؤں پر دہشت گردانہ حملے کی منصوبہ بندی کر رہا تھا۔ Russia Detains ISIS Suicide Bomber

ماسکو: روس کی سکیورٹی ایجنسی نے پیر کو کہا کہ اس کے اہلکاروں نے ایک خودکش بمبار کو گرفتار کیا ہے جو بھارت کی حکمراں جماعت کے کسی ایک رہنما پر دہشت گردانہ حملے کی منصوبہ بندی کر رہا تھا۔ روسی خبر رساں ایجنسی سپوتنک کے مطابق یہ دہشت گرد گروہ داعش کا رکن تھا۔ اس کے ساتھ یہ بھی کہا گیا ہے کہ گرفتار دہشت گرد کو داعش نے ترکی میں خودکش بمبار کے طور پر تعینات کیا تھا۔ Russia Detains ISIS Suicide Bomber

روس کی فیڈرل سکیورٹی سروس (ایف ایس بی) نے اس دہشت گرد کی شناخت کرکے اسے گرفتار کرلیا۔ یہ دہشت گرد وسطی ایشیائی خطے سے تعلق رکھتا ہے۔ بیان میں مزید کہا گیا کہ اس سلسلے میں مزید معلومات کا انتظار ہے۔

قابل ذکر ہے کہ آئی ایس آئی ایس اور اس سے منسلک تمام تنظیموں کو بھارت نے غیر قانونی سرگرمیوں کی روک تھام ایکٹ (یو اے پی اے) 1967 کے تحت دہشت گرد تنظیم قرار دیا ہے۔وزارت داخلہ کے مطابق، آئی ایس اپنے نظریے کی تشہیر کے لیے انٹرنیٹ پر مبنی مختلف سوشل میڈیا پلیٹ فارمز کا استعمال کر رہا ہے۔ سائبر اسپیس پر متعلقہ ایجنسیوں کی طرف سے کڑی نظر رکھی جارہی ہے اور قانون کے مطابق کارروائی کی جارہی ہے۔