روس نے پاکستان کے اندرونی معاملات میں مداخلت کرنے پر امریکہ کی سرزنش کی ہے۔ روس نے کہا کہ یہ امریکہ کی طرف سے اپنے خود غرض مقاصد کے حصول کے لیے مداخلت کی ایک اور کوشش ہے۔ روسی وزارت خارجہ کی ترجمان ماریا زاخارووا نے کہا کہ ’’پاکستان کے وزیر اعظم عمران خان کے رواں سال 23 اور 24 فروری کو ماسکو کے دورے کے اعلان کے فوراً بعد امریکہ اور اس کے مغربی اتحادیوں نے وزیر اعظم پر دباؤ ڈالنا شروع کر دیا اور دورہ منسوخ کرنے کا مطالبہ کیا۔ اس کے لیے الٹی میٹم بھی دیا گیا ہے۔‘‘Pakistan Political Crisis
انہوں نے کہا کہ ’’امریکی نائب وزیر خارجہ برائے جنوبی ایشیا نے واشنگٹن میں پاکستانی سفیر کو فون کیا اور دورہ فوری طور پر روکنے کا مطالبہ کیا جسے مسترد کر دیا گیا۔‘‘ انہوں نے کہا کہ اس میں کوئی شک نہیں کہ امریکہ نے عمران خان کو سزا دینے کا فیصلہ کیا۔ وزیراعظم کی پارٹی کے نمائندوں کا ایک گروپ اچانک اپوزیشن کے پاس گیا اور حکومت کے خلاف تحریک عدم اعتماد پیش کرنے کو کہا۔ وزارت کے بیان کے مطابق یہ امریکہ کی جانب سے اپنے مفاد کے لیے ایک آزاد ریاست کے اندرونی معاملات میں مداخلت کی ایک اور کوشش ہے اور مذکورہ بالا حقائق اس بات کی گواہی دیتے ہیں۔Russia blames US for political crisis in Pakistan