British Family Row بڑے بھائی نے گریبان پکڑ کر فرش پر گرادیا تھا، شہزادہ ہیری کا نئی کتاب میں انکشاف

برطانوی شہزادہ ہیری نے اپنی نئی کتاب میں انکشاف کیا ہے کہ 2019 میں ان کے بڑے بھائی شہزاہ ولیم نے ان پر حملہ کرتے ہوئے گریبان پکڑا اور انہیں فرش پر گرا دیا تھا۔ غیر ملکی خبر رساں ادارے ’اے ایف پی‘ کے مطابق ہیری کی نئی کتاب ’اسپیر‘ رواں ماہ جاری ہوگی۔ British Family Row

لندن: برطانوی اخبار ’دی گارجین‘ نے کتاب کا حوالہ دیتے ہوئے کہا کہ 38 سالہ شہزاہ ہیری کا کہنا تھا کہ لندن کے اپنے گھر کے باورچی خانے میں بڑے بھائی ولیم کے ساتھ کسی بات پر مداخلت ہوئی جس کے بعد ولیم نے میری اہلیہ میگھن مارکل کو پیچیدہ اور بدتمیز کہا جس کے بعد ہماری بحث ہوئی اور پھر میرے بڑے بھائی نے مجھے فرش پر گرا دیا۔ انہوں نے الزام لگایا کہ ولیم نے میرا گریبان پکڑا اور میرے گلے میں پہنا ہوا ہار توڑ دیا جس کے بعد انہوں نے مجھے فرش پر گرایا۔British Family Row

دی گارجین کی رپورٹ کے مطابق اپنی نئی کتاب میں انہوں نے کہا کہ فرش پر رکھے پیالے کے ٹکڑے میری کمر پر لگے جس کی وجہ سے میری کمر پر زخم کے نشانات آگئے۔ بعد ازاں ہیری نے اپنے بھائی کو وہاں سے جانے کا کہا جس کے بعد ولیم اپنے عمل پر افسردہ اور معذرت خواہ نظر آرہے تھے۔ کتاب میں انہوں نے مزید کہا کہ ’بعد ازاں ولیم میرے پاس آئے اور کہا کہ میگھن کو اس بارے میں کچھ بتانے کی ضرورت نہیں ہے۔ ’ہیری نے جواب دیا کہ ’تمہارا مطلب جو تم نے مجھ پر حملہ کیا ہے؟‘ جس پر شہزاہ ولیم نے جواب دیا کہ ’میں نے تم پر حملہ نہیں کیا‘۔

ہیری کی کتاب میں دونوں بھائیوں کے درمیان حالیہ تنازع کا انکشاف اس وقت سامنے آیا ہے جب ان کے والد شہزادہ چارلس اپنی والدہ آنجہانی ملکہ الزبتھ دوم کے گزشتہ برس ستمبر میں 96 سال کی عمر میں انتقال کے بعد رواں سال مئی میں تاجپوشی کی تیاری کر رہے ہیں۔

اس سے قبل ہیری اور ان کی اہلیہ 41 سالہ میگھن مارکن نے نیٹ فلکس ڈاکیومنٹری میں برطانوی شاہی خاندان کے ساتھ ہونے والے تجربات کا ذکر کیا تھا اور ساتھ ہی مارچ 2020 میں شاہی حیثیت سے دستبردار ہوکر عام افراد کی طرح زندگی گزارنے کے لیے امریکا منتقل ہونے کی بھی وجوہات بتائی تھیں۔ڈاکیومنٹری میں اس جوڑے کے شاہی خاندان، میڈیا اور عوام سے مشکل تعلق کی بات ہوئی تھی۔

شہزادہ ہیری ایک حالیہ ٹی وی انٹرویو میں کہہ چکے ہیں کہ وہ ادارہ نہیں بلکہ ایک خاندان چاہتے ہیں۔انہوں نے کہا تھا کہ وہ اپنے والد اور بھائی کو واپس لانا چاہتے ہیں۔ شہزادہ ہیری کا برطانیہ کے ’آئی ٹی وی‘ چینل کے ساتھ انٹرویو رواں ہفتے نشر ہوگا۔ (یو این آئی)