حیدرآباد: برطانیہ میں پیش آئے سڑک حادثہ میں دو تلگو ریاستوں تلنگانہ اور آندھراپردیش سے تعلق رکھنے والے تین افراد ہلاک ہوگئے۔ یہ حادثہ برطانیہ کے شیفلڈ میں اُس وقت پیش آیا جب ٹرک اور وین کی ٹکر ہوگئی۔حادثہ اتنا شدید تھا کہ تینوں افراد موقع پر ہی ہلاک ہوگئے اور بعض دیگر زخمی ہوگئے۔ حادثہ اتنا خطرناک تھا کہ وین کو شدید نقصان پہنچا۔ Road accident in Britain
اطلاعات کے مطابق مہلوکین کی شناخت تلنگانہ کے دارالحکومت حیدرآبا د سے تعلق رکھنے والے پریم کمار ریڈی، ضلع ورنگل کی پوانی اور اے پی کے راجہ مہیندراورم سے تعلق رکھنے والے سائی نرسمہا کے طورپر کی گئی ہے۔ اس واقعہ کی اطلاع کے ساتھ ہی مہلوکین کے خاندانوں میں غم کی لہردوڑگئی جنہوں نے لاشوں کی جلد آبائی مقامات پر منتقلی کو یقینی بنانے کے اقدامات کرنے کی حکومت سے درخواست کی۔