Political Crisis in Pakistan: پی ٹی آئی کا اجتماعی طور پر قومی اسمبلی سے مستعفی ہونے کا فیصلہ

پاکستان تحریک انصاف پارٹی کی آج وزیراعظم کی قیادت میں پارلیمانی اجلاس کی میٹنگ کی، جس میں پی ٹی آئی اراکین نے اجتماعی طور پر قومی اسمبلی کی رکنیت سے مستعفی ہونے کا فیصلہ کیا۔Political Crisis in Pakistan

پاکستان میں سیاسی بحران اور نئے وزیراعظم کے انتخابی عمل کے دوران سابق وزیراعظم عمران خان کی زیر صدارت پارٹی کے اجلاس میں پی ٹی آئی اراکین نے مشترکہ طور پر قومی اسمبلی کی رکنیت سے مستعفی ہونے کا فیصلہ کیا ہے۔ پاکتسانی میڈیا کی رپورٹ کے مطابق معاملے کی تصدیق کرتے ہوئے سابق وفاقی وزیر مراد سعید نے بتایا کہ قومی اسمبلی کی رکنیت سے مستعفی ہونے کا فیصلہ مشترکہ طور پر کیا گیا ہے۔ انہوں نے کہا کہ 7 تاریخ کو آپ کو غیر ملکی مراسلہ موصول ہوتا ہے اور 8 تاریخ کو تحریک عدم اعتماد پیش کی جاتی ہے، اگر کوئی اسمبلی میں بیٹھتا ہے تو اس کا مطلب یہ ہوگا کہ آپ اس سازش کا حصہ بن رہے ہیں۔ انہوں نے سوال کیا کہ کیا کسی بھی بیرونی طاقت کو اختیار ہونا چاہیے کہ وہ پاکستان میں حکومتیں بنانے اور حکومتیں توڑنے میں کردار ادا کرے، عمران خان دنیا اور امریکہ کو ’ایبسلوٹلی نوٹ‘ کہہ چکے ہیں۔Political Crisis in Pakistan

اپوزیشن کے حوالے سے مراد سعید نے کہا کہ پاکستانی قوم نے انہیں مسترد کر دیا ہے، یہ پہلے بھی بدعنوان تھے اب بھی بدعنوان ہیں، پہلے بھی بین الاقوامی سازشوں کا حصہ تھے اور اب بھی ہیں۔ انہوں نے کہا کہ پارٹی کی جانب سے مشترکہ طور پر قومی اسمبلی کی رکنیت سے مستعفی ہونے کا فیصلہ کیا گیا ہے۔ بعد ازاں ٹوئٹر پر جاری کردہ پیغام میں مراد سعید نے کہا کہ جن کی حرصِ زر، ہوس اقتدار نے میری قوم کو بھکاری بنایا ان کو ملک کا سربراہ نہیں مانوں گا۔ اس سلسلے میں فرخ حبیب نے بھی ٹویٹ کیا جس میں ان کا کہنا تھا کہ ہم امپورٹڈ حکومت کو نہیں مانتے۔ پارٹی کے فیصلے کے بعد فواد چوہدری نے بھی مستعفی ہونے کی تصدیق کرتے ہوئے کہا کہ ہم آزادی کے لیے لڑیں گے۔

وزیراعظم کی زیر صدارت پی ٹی آئی کی پارلیمانی پارٹی کے اجلاس میں شرکاء نے عمران خان پر بھرپور اعتماد کا اظہار کرتے ہوئے پارٹی قیادت کے ساتھ کھڑے رہنے کی یقین دہانی کروائی۔ اجلاس میں پارلیمنٹ کے اندر اور باہر جارحانہ سیاست پر مشاورت اور تبادلہ خیال کیا گیا۔ اس موقع پر پارٹی کے اراکین کا کہنا تھا کہ استعفوں سے متعلق عمران خان جو فیصلہ کریں گے قبول ہوگا۔ انہوں نے کہا کہ جو بھی وزیر اعظم حکومت سے باہر نکلتا ہے تو اُس پر کرپشن کے الزامات لگتے ہیں الحمد اللہ عمران خان پر کوئی کرپشن کے الزامات نہیں ہیں۔

پاکستان تحریک انصاف پارٹی کی آج وزیراعظم کی قیادت میں پارلیمانی اجلاس کی میٹنگ کی، جس میں انھوں یہ فیصلہ کیا کہ وہ اس اسمبلی سے استعفیٰ دے دیں گے اور وہ اس میں کسی صورت میں نہیں بیٹھیں گے۔ وہیں اجلاس میں موجود کچھ اراکین نے اسمبلیوں سے مستعفی نہ دیتے ہوئے پارلیمنٹ میں جمہوری لڑائی کی تجویز بھی پیش کی۔ اس موقع پر فواد چوہدری، حماد اظہر، شیخ رشید، علی اعوان مستعفی ہونے کے حق میں تھے جبکہ شاہ محمود قریشی، فیصل جاوید، فخر امام سمیت اکثریتی ارکان مستعفی نہ کی تجویز پیش کی تھی۔ تاہم پارٹی کے اجلاس کے بعد پی ٹی آئی اراکین نے اسمبلی کی رکینیت سے استعفیٰ دینے شروع کردیے ہیں۔ (یو این آئی)