نئی دہلی:وزیر اعظم نریندر مودی نے پیر کو لولا دا سلوا کو برازیل کے صدارتی انتخابات جیتنے پر مبارکباد دی۔ مودی نے ٹویٹ کیا کہ برازیل میں صدارتی انتخابات جیتنے پر لولا دا سلوا کو مبارکباد۔ میں اپنے دو طرفہ تعلقات کو مزید مستحکم اور وسیع کرنے کے ساتھ ساتھ عالمی مسائل پر بھی تعاون کے لیے مل کر کام کرنے کا منتظر ہوں۔PM Modi congratulates Lula da Silva
بائیں بازو کی ورکرز پارٹی کے لوئیز اناسیو لولا دی سلوا نے برازیل کے صدارتی انتخابات میں سبکدوش ہونے والے صدر جیر بولسونارو کو سخت مقابلے میں شکست دے دیا۔ الیکشن اتھارٹی نے اتوار کی رات کو بتایا کہ انتخابات میں ڈالے گئے کل ووٹ 99 فیصد میں سے لولا دی سلوا کو 50.9 فیصد اور بولسونارو کو 49.1 فیصد ووٹ ملے۔
یہ بھی پڑھیں: Brazil Presidential Election 2022 لولا دا سلوا صدارتی انتخاب میں کامیاب، بولسونارو کو شکست
قابل ذکر ہے کہ برازیل میں 1985 میں جمہوریت کی واپسی کے بعد یہ پہلا موقع ہے کہ کوئی موجودہ صدر دوبارہ انتخاب جیتنے میں ناکام رہا ہے۔ لولا اپنے حامیوں سے وعدہ کر رہے ہیں کہ وہ ایک مشکل صورتحال میں ملکی اقتدار سنبھال لیں گے، جبکہ بولسونارو نے ابھی تک انتخابات کے نتائج کو قبول نہیں کیا ہے۔
یہ تین دہائیوں میں ملک کا سب سے سخت مقابلہ تھا۔ 99.5 فیصد ووٹوں کی گنتی کے بعد دونوں امیدواروں کے ووٹوں کا فرق صرف 20 لاکھ ہی ہے۔ 2014 میں آخری قریبی مقابلے میں امیدواروں کے درمیان تقریباً 34 لاکھ ووٹوں کا فرق تھا۔ لولا دی سلوا یکم جنوری 2023 کو دوبارہ صدارت میں داخل ہوں گے۔
