Laser At Filipino Boat Crew: فلپائن کا چینی بحریہ پر لیزر لائٹ حملے کا الزام

فلپائن کا الزام ہے کہ بحیرہ جنوبی چین میں ایک متنازع جزیرے پراس کے ری سپلائی مشن کو روکنے کے لیے چین نے اس کی کشتی پر ’فوجی گریڈ‘ لیزرکا استعمال کیا۔ اس لیزرکی چمک سے فلپائن کے کوسٹ گارڈزکی کشتی پرسوارعملے کی آنکھیں متاثرہو گئیں، جس کے نتیجے میں انہیں پیچھے ہٹنا پڑا۔Philippines blames Chinese navy for laser light attack

منیلا:فلپائن کا الزام ہے کہ بحیرہ جنوبی چین میں ایک متنازع جزیرے پر اس کے جواب میں مشن کو روکنے کے لیے چین نے اس کی کشتی پر ’فوجی گریڈ‘ لیزر کا استعمال کیا۔ اس لیزر کی چمک سے فلپائن کے کوسٹ گارڈز کی کشتی پر سوار عملے کی آنکھیں متاثرہو گئیں، جس کے نتیجے میں انہیں پیچھے ہٹنا پڑا۔

یہ کشتی ایک خستہ حال جہاز کی جانب بڑھ رہی تھی، جسے منیلا برسوں سے ’سیکنڈ تھامس شول‘ پر دعوے کے لیے استعمال کرتا رہا ہے۔ یہ متنازع چھوٹا جزیرہ ہے۔ سیکنڈ تھامس شول پر کئی ممالک دعویٰ کرتے ہیں لیکن فی الحال یہاں فلپائن کی فوج کا قبضہ ہے۔ بحیرہ جنوبی چین کے بیشتر حصے پر اپنے دعوے کے لیے ماضی میں چین واٹر کینن اور سائرن کا استعمال کر چکا ہے۔یہ واقعہ 6 فروری کو پیش آیا، لیکن عوامی سطح پر اس بارے میں 13 فروری کو بتایا گیا ہے۔ فلپائن کوسٹ گارڈ نے کہا کہ یہ پانی کے ان علاقوں میں ’فلپائن کے خود مختار حقوق کی خلاف ورزی‘ تھی جو منیلا کی نظر میں بحیرہ مغربی فلپائن کے علاقے ہیں۔

اہلکاروں نے بتایا کہ دو بار لیزر لائٹ چمکانے کے علاوہ چینی جہاز فلپائنی جہاز کے سٹار بورڈ سے تقریباً 150 گز کے فاصلے پر خطرناک انداز میں مُڑا بھی۔ اس بارے میں بی بی سی کی جانب سے پوچھے جانے پر فلپائن کے صدر فرڈینانڈ مارکوس کے ترجمان نے جواب دینے سے انکار کر دیا جبکہ چین کی جانب سے بھی کوئی بیان جاری نہیں کیا گیا ہے۔2016 میں اقوام متحدہ کی ثالثی کی عدالت نے فیصلہ دیا تھا،کہ بحیرہ جنوبی چین میں چین کے بڑے بڑے دعووں کی کوئی بنیادی تاریخ نہیں ہے۔

یو این آئی