پاکستانی ذرائع ابلاغ کے مطابق بلقیس ایدھی عارضہ قلب سمیت دیگر امراض میں مبتلا تھیں اور وہ ایک ماہ سے علیل اور نجی ہسپتال میں زیر علاج تھیں۔ بلقیس ایدھی ترجمان کے مطابق بلقیس ایدھی کی نمازجنازہ اور تدفین کا اعلان بعد میں کیا جائے گا۔ Social Activist Bilquis Edhi Passes Away
بلقیس ایدھی معروف سماجی کارکن عبدالستار ایدھی مرحوم کی اہلیہ تھیں اور عبدالستار ایدھی کے انتقال کے بعد وہ ایدھی فاؤنڈیشن کی چیئرپرسن بنی تھیں۔ غور طلب ہے پاکستان کی سب سے بڑی فلاحی تنظیم ایدھی فاؤنڈیشن کو بنانے میں بلقیس ایدھی نے اپنے مرحوم شوہر عبدالستار ایدھی کا بھرپور ساتھ دیا۔
مرحومہ نے صرف 16 سال کی عمر میں عبدالستار ایدھی کے نرسنگ سکول سے نرسنگ کی تربیت حاصل کی۔انہوں نے اسی ادارے میں دو برس تک خدمات انجام دیں اور اس کے بعد عبدالستار ایدھی سے شادی ہوئی جس کے بعد انہوں نے پیچھے مڑ کر نہیں دیکھا۔ پاکستانی حکومت نے انہیں ہلال امتیاز سے نوازا تھا، جبکہ بھارت کی جانب سے انہیں 2015 میں مدر ٹریسا ایوارڈ دیا گیا۔ بلقیس ایک پیشہ ور نرس تھی اور ایدھی فاؤنڈیشن کی چیئرپرسن کے طور پر خدمات انجام دینے کے ساتھ ساتھ پاکستان میں سب سے زیادہ سرگرم مخیر حضرات میں سے ایک تھیں۔
یہ بھی پڑھیں: Shehbaz Sharif on Imran Khan: شہباز شریف کا عمران خان پر توشہ خانے کے تحائف بیچنے کا الزام
