Shehbaz Sharif Thanks Modi: شہباز شریف نے مودی کا شکریہ ادا کیا

پاکستان کے نو منتخب وزیراعظم شہباز شریف نے بھارتی وزیراعظم نریندر مودی کا شکریہ ادا کیا۔ مودی نے گزشتہ روز شہباز شریف کو وزیراعظم بننے کی مبارکباد دی تھی۔ Shehbaz Sharif thanked PM Narendra Modi

پاکستان میں زبردست سیاسی اتھل پتھل اور عمران خان کے خلاف تحریک عدم اعتماد کی کامیابی کے بعد شہباز شریف کو پاکستان کا نیا وزیراعظم منتخب کیا گیا ہے۔ Pakistan Newly Elected Prime Minister Shehbaz Sharif شہباز شریف نے مودی کی جانب سے مبارکباد پر ان کا شکریہ ادا کیا، شہباز شریف نے ٹویٹ کیا کہ 'مبارکباد کے لیے وزیر اعظم نریندر مودی کا شکریہ۔ پاکستان، بھارت کے ساتھ پُرامن اور تعاون پر مبنی تعلقات کا خواہاں ہے۔ جموں و کشمیر سمیت باقی تنازعات کا پُرامن حل ناگزیر ہے۔ دہشت گردی کے خلاف جنگ میں پاکستان کی قربانیاں سب جانتے ہیں۔ آئیے امن قائم کریں اور اپنے لوگوں کی سماجی و اقتصادی ترقی پر توجہ دیں۔

واضح رہے کہ شہباز شریف کے وزیراعظم بننے پر بھارتی وزیراعظم نریندر مودی نے انہیں مبارکباد پیش کی تھی۔ مودی نے ٹویٹ کرکے شہباز شریف کو پاکستان کا نیا وزیراعظم منتخب ہونے پر مبارکباد دی تھی۔ Modi Congratulates Shehbaz Sharif انہوں نے لکھا تھا کہ 'شہباز شریف کو پاکستان کا وزیر اعظم منتخب ہونے پر مبارکباد۔ ہندوستان دہشت گردی سے پاک خطے میں امن اور استحکام کا خواہاں ہے، تاکہ ہم اپنے ترقیاتی چیلنجوں پر توجہ مرکوز کر سکیں اور اپنے لوگوں کی فلاح و بہبود کو یقینی بنا سکیں۔