اسلام آباد: پاکستان کے سابق وزیر اعظم اور پاکستان تحریک انصاف (پی ٹی آئی) کے صدر عمران خان نے ملک میں اداروں کی جانب سے آئین کی خلاف ورزی کے الزامات کے پیش نظر اعلیٰ عدلیہ سے مداخلت کی درخواست کی ہے۔ ڈان نیوز کی ایک رپورٹ کے مطابق عمران خان نے اسلام آباد میں جاری ایک بیان میں تحریک عدم اعتماد کا حوالہ دیتے ہوئے کہا کہ عوام نے غیر ملکی اشتعال انگیزی پر اقتدار کی تبدیل کی شازش کو دیکھا جس نے پاکستان کو انتشار کی طرف دھکیل دیا۔ انہوں نے کہا کہ اس سب کے باوجود اعلیٰ عدلیہ نے فاصلہ بنائے رکھا۔ Pakistan political crisis
عمران خان نے مداخلت کا مطالبہ کرتے ہوئے کہا، "عدلیہ ریاست کے اداروں کے خلاف کارروائی کرنے کے لیے کب قدم اٹھائے گی جبکہ قوانین کو نظر انداز کیا جارہا ہے اور آئین کی خلاف ورزی ہو رہی ہے۔ ہماری اعلیٰ عدلیہ آئین میں درج ہمارے شہریوں کے بنیادی حقوق کو یقینی بنانے کے لیے کب عمل کرے گی؟
انہوں نے کہا کہ ہم نے شہریوں، سیاست دانوں، صحافیوں اور انسانی حقوق کے محافظوں کو دہشت گردی اور بغاوت کے الزام میں دھمکیاں اور گرفتار ہوتے دیکھا ہے۔ پی ٹی آئی رہنماؤں کے خلاف متعدد مقدمات کا حوالہ دیتے ہوئے خان نے کہا کہ ہم دیکھ رہے ہیں کہ مختلف ایگزیکٹو برانچز کی جانب سے جعلی مقدمات اور اختیارات کے ناجائز استعمال میں اضافہ ہو رہا ہے۔