اسلام آباد: پاکستان میں مندر میں توڑ پھوڑ کا ایک اور واقعہ سامنے آیا ہے۔ بدھ کو کراچی میں شری ماری ماتا مندر میں مورتیوں کو نقصان پہنچایا گیا۔ کراچی میں کورنگی تھانے کے تحت 'جے' علاقے میں واقع شری ماری ماتا کے مندر پر حملے سے کراچی میں رہنے والی ہندو اقلیت صدمے میں ہیں۔ ایکسپریس ٹریبیون نے علاقے میں رہنے والے سنجے کے حوالے سے بتایا کہ چھ سات لوگ موٹر سائیکلوں پر آئے اور مندر میں توڑ پھوڑ کی۔ انہوں نے کہا کہ ہم نہیں جانتے کہ یہ لوگ کون تھے اور انہوں نے ایسا کیوں کیا۔ Temple Vandalised in Karachi
یہ بھی پڑھیں:
Firing In Pakistan: پاکستان میں فائرنگ کے دو واقعات میں نو افراد ہلاک
کورنگی کے ایس ایچ او فاروق سنجرانی نے واقعہ کی تصدیق کرتے ہوئے کہا کہ ’’پانچ سے چھ نامعلوم افراد مندر میں داخل ہوئے، مندر میں توڑ پھوڑ کی اور فرار ہوگئے۔‘‘ سنجرانی نے بتایا کہ نامعلوم ملزمان کے خلاف مقدمہ درج کرلیا گیا ہے۔ پاکستان میں مندر اکثر ہجوم کے تشدد کا نشانہ بنتے رہے ہیں۔ گذشتہ سال اکتوبر میں کوٹری میں دریائے سندھ کے کنارے تعمیر کیے گئے مندر میں کچھ نامعلوم افراد نے توڑ پھوڑ کی تھی۔ ایکسپریس ٹریبیون نے اپنی رپورٹ میں بتایا کہ اگست میں بھونگ قصبے میں واقع شری گنیش ہندو مندر پر کچھ لوگوں نے حملہ کیا تھا۔ (یو این آئی)
