Brooklyn Subway Shooting: نیو یارک سٹی سب وے شوٹنگ میں مشتبہ شخص گرفتار

نیویارک کے شہر بروکلین میں سب وے ٹرین میں فائرنگ Brooklyn Subway Shooting کرنے والے مشتبہ شخص کو نیو یارک سٹی پولیس نے بدھ کی سہ پہر مین ہٹن میں گرفتار کرلیا ہے۔ اس حملے میں 20 سے زائد افراد زخمی ہوئے تھے جن میں سے 10 افراد کو گولی لگی تھی۔

نیویارک کے شہر بروکلین میں سب وے ٹرین میں 10 مسافروں کو گولی مارنے والے مشتبہ شخص کو 30 گھنٹے کی تلاش کے بعد گرفتار کر لیا گیا ہے۔ نیو یارک سٹی New York City پولیس کمشنر کیچنٹ سیول نے ایک نیوز کانفرنس میں کہا کہ مشتبہ فرینک رابرٹ جیمز کو بدھ کی سہ پہر مین ہٹن میں پولیس کو اطلاع ملنے کے بعد حراست میں لے لیا گیا۔ پولیس نے کہا کہ 62 سالہ جیمز پر منگل کی صبح میٹرو میں کم از کم 33 بار ہینڈ گن سے فائر کرنے کا الزام ہے۔Brooklyn Subway Shooting

ذرائع کے مطابق حملے میں 23 افراد زخمی ہوئے، جن میں سے 10 کو گولی لگی، حالانکہ کسی کو بھی جان کا خطرہ نہیں ہے۔ ملزم پر دہشت گردی اور بڑے پیمانے پر نقل و حمل کے نظام ک خلاف ورزی اور دیگر پرتشدد حملوں کا الزام عائد کیا گیا ہے۔ نیو یارک کے مشرقی ضلع کے امریکی اٹارنی برائن پیس نے ایک پریس کانفرنس میں کہا کہ اگر جرم ثابت ہوا تو اسے عمر قید کی سزا ہو سکتی ہے۔ حکام نے منگل کی رات جیمز کو مشتبہ شخص کے طور پر شناخت کیا تھا۔ابھی تک حملہ کرنے والے کا کوئی ممکنہ مقصد واضح نہیں ہوسکا ہے اور مزید تحقیقات جاری ہے۔

مشتبہ شخص کی طویل مجرمانہ تاریخ ہے: امریکہ کے نیویارک شہر کے بروکلین سب وے اسٹیشن پر حملے کے ملزم فرینک رابرٹ جیمز کی ماضی میں کئی بار گرفتاری کی طویل تاریخ ہے۔

پیس نے بتایا کہ "وہ 1990 سے 1998 تک نیویارک میں نو مرتبہ گرفتار ہو چکا ہے۔" ان میں سے، اسے چار مرتبہ مسروقہ ہتھیار رکھنے کے الزام میں، دو مرتبہ مجرمانہ جنسی فعل کے الزام میں اور دو مرتبہ سروسز کی چوری کے الزام میں گرفتار کیا گیا ہے۔ اٹارنی نے کہا 62 سالہ جیمز کو قانون اور پولیس کے محکموں میں لوگ اچھی طرح جانتے ہیں۔ وہ اس سے قبل وسکونسن، اوہائیو اور پنسلوانیا میں پکڑا جا چکا ہے۔ اسے 1991، 1992 اور 2007 میں نیو جرسی سے تین مرتبہ گرفتار کیا جا چکا ہے۔