Sikh Woman in New York Ends Life: بھارتی سکھ خاتون کی امریکہ میں خودکشی، ویڈیو میں شوہر پر لگائئے سنگین الزامات

اترپردیش کے بجنور سے تعلق رکھنے والی ایک سکھ خاتون نے نیویارک خودکشی کرلی۔ خاتون شوہر پر گھریلو تشدد کا الزام لگاتے ہوئےکہاکہ' ان کے شوہرچاہتے تھے کہ وہ بیٹیوں کو نہیں بلکہ بیٹے کو جنم دے۔ خاتون کی خودکشی کا ویڈیو سوشل میڈیا پر وائرل ہورہا ہے اور #justice for Mandeep ٹرینڈ کررہا ہے۔ Sikh Woman in New York Ends life

حیدرآباد: ریاست اترپردیش کے بجنور سے تعلق رکھنے والی مندیپ کور Mandeep Kaur نام کی ایک سکھ خاتون نے امریکہ کے نیویارک میں خودکشی کرلی۔ میڈیا رپورٹس کے مطابق خاتون کی موت کی وجہ گھریلو تشدد بتایا جا رہا ہے۔ خاتون نے خودکشی سے قبل ایک ویڈیو بنایا تھا جس سوشل میڈیا پر خوب وائرل ہورہا ہے۔ خاتون نے ویڈیو میں شوہر پر کئی سنگین الزامات لگائے ہیں۔ رپورٹس کے مطابق بیٹی کی پیدائش کی وجہ سے شوہر خاتون کو تشدد کا نشانہ بناتا تھا، بلا آخر خاتون نے تنگ آکر خودکشی کرلی۔ Sikh Woman in New York Ends Life

خودکشی سے قبل خاتون نے جو ویڈیو بنایا تھا وہ سوشل میڈیا پر خوب وائرل ہورہا ہے اور وہاں موجود سکھ برادری انصاف کا مطالبہ کررہے ہیں اسی کے ساتھ #justice for mandeep سوشل میڈیا پر ٹرینڈ کر رہا ہے۔ غور طلب ہے کہ آٹھ برس قبل مندیپ کی رنجودھ کے شادی ہوئی تھی۔ مندیپ کے والد جسپال سنگھ کے مطابق شوہر کے مبینہ گھریلو تشدد کی وجہ سے ان کی بیٹی نے خود کشی کی۔ مندیپ اپنے شوہر اور دو بیٹیوں کے ساتھ نیویارک میں رہ رہی تھی۔ دونوں بیٹیوں کی عمر باالترتیب چار اور چھ برس ہے۔

وائر ویڈیو کے تعلق سے دعویٰ کیا جا رہا ہے کہ مندیپ نے مذکورہ ویڈیو کو اپنی موت سے پہلے شوٹ کیا ہوگا۔ ویڈیو میں وہ اپنے شوہر اور سسرال والوں پر ہراساں کرنے کا الزام لگا ئی ہے۔ وہیں اس معاملے میں نجیب آباد پولیس اسٹیشن رنجودھ کے والدین کے خلاف جہیز ایکٹ اور خودکشی کے لیے اکسانے کا مقدمہ درج کیا گیا ہے۔ پولیس نے بتایا کہ مندیپ کے والدین نے کہاکہ اس کے شوہر کے خلاف نیویارک میں بھی مقدمہ درج کیا گیا ہے۔

بتادیں کہ مندیپ کی شادی آٹھ برس قبل بجنور کے بدیا گاؤں سے تعلق رکھنے والے رنجودھ سے ہوئی تھی۔ خاتون کے والد کے مطابق رنجودھ نیویارک میں ٹرک ڈرائیور ہے۔ شروع میں دونوں دو برس تک گاؤں میں رہے اور وہیں بیٹی کی پیدائش ہوئی۔ اس کے بعد سے ہی بیٹی کو ہراساں کیا جانے لگا۔ تاہم اہل خانہ کی مداخلت کے بعد صورتحال قدرے بہتر ہوئی۔ لیکن پھر دونوں نیویارک چلے گئے اور وہیں رہنے لگے۔ لیکن حالات میں کوئی بہتری نہیں آئی اور مندیپ پر تشدد بڑھنے لگا۔ اسی دوران مندیپ کور نے خودکشی کرلی۔