پیرس: فرانس کے صدر ایمانوئل میکرون نے کہا ہے کہ وہ یوکرین میں روس کو شکست کھاتے ہوئے دیکھنا چاہیں گے لیکن اسے کچلتے ہوئے نہیں دیکھنا چاہتے ہیں۔ فرانسیسی میڈیا سے بات کرتے ہوئے صدر میکرون نے مغربی ممالک پر زور دیا کہ وہ یوکرین کے لیے فوجی تعاون میں اضافہ کریں اور کہا کہ وہ ایک طویل لڑائی کے لیے تیار ہیں۔ انہوں نے کہا کہ میں چاہتا ہوں کہ روس یوکرین میں ہارے اور میں یہ بھی چاہتا ہوں کہ یوکرین اپنی پوزیشن کا دفاع کرنے کے قابل ہو۔ انہوں نے ان لوگوں کو نشانہ بنایا جنہوں نے کہا کہ وہ قوم کو کچلنے کے لیے جنگ کو روس تک بڑھانا چاہتے ہیں۔
یہ تبصرے میونخ سیکیورٹی کانفرنس میں جمع ہونے والے عالمی رہنماؤں کے یوکرین کو ہتھیاروں کی سپلائی تیز کرنے اور روس پر سخت پابندیاں عائد کرنے کے وعدے کے بعد سامنے آئے ہیں۔ میکرون نے لی جرنل ڈو ڈیمانچے اخبار کو بتایا کہ مجھے نہیں لگتا، جیسا کہ کچھ لوگ کہتے ہیں کہ ہمیں روس کی مکمل شکست، روسی سرزمین پر حملہ کرنا چاہیے۔ انہوں نے کہاکہ وہ مبصرین، سب سے بڑھ کر روس کو کچلنا چاہتے ہیں۔ یہ فرانس کا موقف کبھی نہیں رہا ہے اور یہ کبھی ہمارا موقف نہیں رہے گا۔
جمعہ کو میونخ میں کانفرنس سے خطاب کرتے ہوئے میکرون نے اصرار کیا کہ اب روس کے ساتھ بات چیت کا وقت نہیں ہے۔ انہوں نے امن مذاکرات کو حتمی ہدف قرار دینے میں کوئی عار محسوس نہیں کی۔ صدر نے تجویز پیش کی کہ یوکرین کی فوجی کوشش، جسے اتحادیوں کی حمایت حاصل ہے، 'روس کو مذاکرات کی طرف واپس لانے اور دیرپا امن قائم کرنے' کا واحد راستہ ہے۔ انہوں نے روس میں حکومت کی تبدیلی کے امکان کو بھی مسترد کرتے ہوئے پوری دنیا میں اسی طرح کی کوششوں کو "ناکامی" قرار دیا۔