Pakistan New Army Chief نئے آرمی چیف کی تقرری پر پاکستان کے صدر کی بھی مہر

پاکستان کے صدر ڈاکٹر عارف علوی نے فوج کے اعلیٰ عہدے کی تقرری کی سمری پر دستخط کر دیے ہیں، جس کے بعد لیفٹیننٹ جنرل عاصم منیر پاکستان کے نئے آرمی چیف اور لیفٹیننٹ جنرل ساحر شمشاد مرزا چیئرمین آف جوائنٹ چیفس آف اسٹاف مقرر ہو گئے ہیں۔ Pakistan new Army chief

پاکستان کے صدر ڈاکٹر عارف علوی نے فوج کے اعلیٰ عہدے کی تقرری کی سمری پر دستخط کر دیے ہیں، جس کے بعد جنرل عاصم منیر پاکستان کے نئے آرمی چیف بن گئے ہیں اور لیفٹیننٹ جنرل ساحر شمشاد مرزا چیئرمین آف جوائنٹ چیفس آف اسٹاف مقرر ہو گئے ہیں۔ اس سے قبل پاکستان کے وزیر اعظم شہباز شریف نے لیفٹیننٹ جنرل عاصم منیر کو نیا آرمی چیف منتخب کرنے کی سمری صدر پاکستان کو ارسال کی تھی۔ Pakistan new Army chief

جس کے بعد صدر ڈاکٹر عارف علوی نے فوج کے اعلیٰ عہدوں کی تعیناتی کے حوالے سے چیئرمین پی ٹی آئی عمران خان سے بھی ملاقات کی۔ پی ٹی آئی کے سینیئر رہنما فواد چودھری نے کہا کہ پاک فوج میں اہم عہدوں پر تعیناتی سے متعلق وفاقی حکومت کی جانب سے بھیجی گئی سمری پر صدر نے سابق وزیراعظم عمران خان سے آئینی امور بھی گفتگو کی ہے۔

قبل ازیں پاکستان کے وزیر دفاع خواجہ آصف نے ٹویٹ کرکے کہا تھا کہ فوج کے اعلیٰ عہدوں کی تعیناتی کی سمری صدر عارف علوی کے پاس چلی گئی ھے، اب عمران خان کا امتحان ھے کہ وہ وطن کے ادارے کو مضبوط بنانا چاہتا ھے یا متنازعہ، صدر علوی کی بھی آزمائش ھے کے وہ سیاسی ایڈوائس پہ عمل کرینگے یا آئینی و قانونی ایڈوائس پے۔انھوں نے مزید لکھا کہ بحیثیت افواج کے سپریم کمانڈر ادارے کو سیاسی تنازعات سے محفوظ رکھنا ان کا فرض ھے۔