بیروت: لبنان کی قومی اسمبلی میں 14ویں صدر کے انتخاب کے لیے منعقدہ گیارہویں اجلاس میں بھی کوئی بھی امیدوار خاطر خواہ ووٹ حاصل نہیں کرسکا ہے۔ قومی اسمبلی کا اجلاس صدر میشل عون جن کے عہدے کی مدت گزشتہ برس 31 اکتوبر کو ختم ہوگئی تھی ان کی جگہ نئے صدر کو منتخب کرنے کے لیے منعقد کیے جانے والے اجلاس میں 128 اراکین پارلیمنٹ میں سے 111 نے شرکت کی۔
ہونے والی رائے شماری میں مشیل معواد کو 34 ووٹ، اسام خلیفہ کو 7، زیاد بارود کو 2، صلاح حنین کو 1 ووٹ ملا جبکہ 67 ووٹ منسوخ کردیے گئے جس کے نتیجے میں کوئی بھی امیدوار صدر منتخب ہونے کے لیے درکار ایک تہائی اکثریت حاصل نہیں کر سکا ہے۔ پارلیمنٹ کے اسپیکر نبی بیری نے بارہویں اجلاس کے منعقد کیے جانے کے بارے میں کوئی بیان جاری نہیں کیا ہے۔ نئے صدر کے انتخاب کے لیے لبنانی پارلیمنٹ کا پہلا اجلاس 29 ستمبر کو ہوا تھا۔