Italian PM to Visit India اطالوی وزیراعظم مارچ میں بھارت کا دورہ کریں گی

اطالوی وزیراعظم جارجیا میلونی نئی دہلی میں منعقد ہونے والے آٹھویں رائے سینا ڈائیلاگ میں بطورمہمان خصوصی شرکت کے لیے مارچ میں بھارت کا دورہ کریں گی۔ اس دورے پر ان کے ساتھ نائب وزیر اعظم، وزیر خارجہ اور ایک اعلیٰ اختیاراتی تجارتی وفد بھی ہوگا۔ رائے سینا ڈائیلاگ کا انعقاد دو سے چار مارچ کو منعقد ہونے والا ہے۔

نئی دہلی: وزارت خارجہ کی طرف سے جاری کردہ ایک بیان کے مطابق، اطالوی وزیر اعظم جارجیا میلونی نئی دہلی میں آتھویں رائے سینا ڈائیلاگ میں بطور مہمان خصوصی شرکت کے لیے مارچ کے پہلے ہفتے میں بھارت کا دورہ کریں گی۔ بیان کے مطابق، اطالوی وزیر اعظم 2-3 مارچ کو بھارت کا دورہ کریں گے اور ان کے ساتھ نائب وزیر اعظم اور وزیر خارجہ انتونیو تاجان اور ایک اعلیٰ اختیاراتی تجارتی وفد بھی ہوگا۔

وزارت خارجہ کے بیان کے مطابق، پی ایم میلونی کا راشٹرپتی بھون کے صحن میں ایک رسمی استقبال کیا جائے گا اس کے بعد وزیر اعظم نریندر مودی اور پی ایم میلونی دو طرفہ، علاقائی اور عالمی مسائل پر بات چیت کریں گے۔ وزیر خارجہ ایس جے شنکر پی ایم میلونی سے ملاقات کریں گے۔ 02 مارچ 2023 کی سہ پہر صدر دروپدی مرمو سے ملاقات کریں گی۔

قابل ذکر ہے کہ بھارت اور اٹلی اس سال سفارتی تعلقات کے قیام کے 75 سال کا جشن بھی منا رہے ہیں۔ اس دوران دونوں رہنما کثیر جہتی دو طرفہ تعلقات مشترکہ ثقافتی اقدار، اقتصادی ترقی کو فروغ دینے کے عزم، اور سبز توانائی، سائنس اور ٹیک، اور دفاع کے شعبوں میں تعاون پر تبادلہ خیال کریں گے اس کے علاوہ علاقائی اور عالمی مسائل پر کو بھی نشان زد کریں گے۔ دونوں ممالک مختلف کثیر جہتی فورمز پر بھی قریبی تعاون کر رہے ہیں۔

اپنے دورے کے دوران، پی ایم میلونی، بھارت اور اٹلی کے درمیان دیرینہ تعلقات کو مزید مضبوط اور گہرا کرنے کی امید ہے۔ دونوں فریق نومبر 2020 سمٹ کے اہم نتائج پر پیش رفت کا جائزہ بھی لیں گے، سیکورٹی اور دفاعی تعاون کو مضبوط کریں گے، قریبی اقتصادی تعلقات کے لیے کام کریں گے، ٹیلنٹ کی نقل و حرکت کے مواقع میں اضافہ کریں گے اور سائنس اور ٹیکنالوجی میں جاری تعاون کو اسٹریٹجک رہنمائی دیں گے۔

اس کے بعد 2 مارچ کو ایک کاروباری گول میز کانفرنس کا انعقاد کیا جائے گا جس کی مشترکہ صدارت نائب وزیر اعظم اور وزیر برائے امور خارجہ انتونیو تاجانی اور وزیر تجارت و صنعت پیوش گوئل کریں گے۔ واضح رہے کہ وزارت خارجہ آبرزرو ریسرچ فاونڈیشن کی شراکت سے ہر برس رائے سینا ڈائیلاگ کا انعقاد کرتی ہے۔ اس میں عالمی سطح کے اہم سیاسی اور سماجی رہنما جیسی اہم شخصیات شرکت کرتی ہیں۔ یہ پروگرام دو سے چار مارچ کو تاج پیلس ہوٹل، ڈپلومیٹک انکلیو، نئی دہلی میں منعقد ہونے والا ہے۔