Attack on Jabalia Refugee Camp اسرائیل کا جبالیہ پناہ گزین کیمپ پر حملہ، پچاس سے زائد ہلاکتیں

اسرائیلی طیاروں نے غزہ کے گنجان آباد جبالیہ پناہ گزین کیمپ پر حملہ کیا ہے۔ فی الحال یہاں 50 ہلاکتوں کی تصدیق ہوئی ہے، ملبے سے لاشوں اور زخمیوں کو نکالنے کا کام ابھی جاری ہے۔ اسرائیل نے اس حملے میں حماس کے اہم کمانڈر کی ہلاکت کا دعویٰ کیا ہے۔ دوسری جانب اسرائیلی جارحیت کو دیکھتے ہوئے کولمبیا اور چلی نے اسرائیل سے اپنے سفیر واپس بلا لیے ہیں۔Colombia and Chile recalls its ambassador to Israel

غزہ:اسرائیل غزہ کو صفحہ ہستی سے مٹانے پر تُلا ہوا ہے۔ الاہلی عرب اسپتال پر حملے کے بعد اب غزہ کے شمال میں واقع جبالیہ پناہ گزین کیمپ پر اسرائیل نے فضائی حملے کئے ہیں۔ ان حملوں کے نتیجے میں فلسطینی وزارت صحت کے مطابق 50 سے زائد ہلاکتیں ہوئی ہیں۔ پناہ گزین کیمپ جبالیہ میں ملبہ تلے کئی لاشیں دبے ہونے کا خدشہ ظاہر کیا جارہا ہے، یہاں ملبے کے نیچے سے لاشیں اور زخمی افراد کو نکالنے کا کام جاری ہے۔

Attack on Jabalia Refugee Camp

• اسرائیل نے جبالیہ کیمپ پر حملے کی تصدیق کی:

اسرائیل نے شمالی غزہ میں پناہ گزینوں کے سب سے بڑے کیمپ جبالیہ پر حملے کی تصدیق کی ہے ۔ اسرائیلی ڈفینس فورس کے ترجمان کے مطابق اسرائیلی لڑاکا طیاروں نے غزہ میں جبالیہ پناہ گزین کیمپ پر حملہ کیا ہے۔ اسرائیلی فوج کے ترجمان کا دعویٰ ہے کہ لڑاکا طیاروں کے حملے میں حماس کا ایک سینئر کمانڈر ہلاک ہوا ہے جبکہ حماس کا زیر زمین انفراسٹرکچر بھی تباہ ہوا ہے۔

Attack on Jabalia Refugee Camp

• جبالیہ پناہ گزین کیمپ:

غزہ شہر کے شمال میں واقع جبالیہ کیمپ غزہ کے آٹھ پناہ گزین کیمپوں میں سب سے بڑا کیمپ ہے۔ اقوام متحدہ نے جولائی 2023 میں یہاں کے جو اعداد وشمار پیش کیے ہیں اس کے مطابق اس جبالیہ پناہ گزیںن کیمپ میں ایک لاکھ 16 ہزار فلسطینی پناہ گزین رجسٹر تھے۔ 1948 کی جنگ کے بعد جبالیہ کیمپ میں آباد کاری کا کام شروع ہوا تھا۔ جبالیہ کیمپ ایک چھوٹا لیکن گنجان آباد علاقہ ہے، جو صرف 1.4 مربع کلومیٹر پر محیط ہے، اور زیادہ تر رہائشی عمارتوں پر مشتمل ہے۔ اقوام متحدہ کے مطابق جبالیہ میں 16 اسکولوں کی عمارتوں میں 26 اسکول قائم ہیں اور یہاں پناہ گزینوں کے ملیے ایک خوراک کی تقسیم کا مرکز، دو صحت مراکز، ایک لائبریری اور سات پانی کے کنویں ہیں۔

Attack on Jabalia Refugee Camp

• اسرائیلی جارحیت کے خلاف اٹھتی آوازیں:

کولمبیا نے اسرائیل سے اپنے سفیر کو بھی مشاورت کے لیے واپس بلا لیا۔ بائیں بازو کے صدر گسٹاو پیٹرو نے سوشل میڈیا پر یہ اعلان کیا۔ پیٹرو نے ایکس پر لکھا، ’’اگر اسرائیل فلسطینیوں کا قتل عام نہیں روکتا تو ہم وہاں نہیں رہ سکتے۔‘‘

چلی نے بھی غزہ میں ’ناقابل قبول‘ خلاف ورزیوں پر اسرائیل سے اپنا سفیر واپس بلا لیا ہے۔ چلی کے صدر گیبریل بورک نے کہا کہ ان کی حکومت اسرائیل کے لیے اپنے ایلچی جارج کارواجل کو مشاورت کے لیے واپس بلا رہی ہے جس کی روشنی میں بورک نے کہا کہ غزہ کی پٹی میں اسرائیل کی جانب سے بین الاقوامی انسانی قانون کی خلاف ورزیاں "ناقابل قبول" ہیں۔ سوشل میڈیا پر ایک پوسٹ میں بورک نے کہا کہ ان کی حکومت محصور فلسطینی انکلیو میں اسرائیلی جارحیت کی "سختی سے مذمت" کرتی ہے۔ چلی کے صدر نے کہا کہ اسرائیلی فوج کی کارروائیاں "فلسطینی شہری آبادی کی اجتماعی سزا" کے مترادف ہیں۔

دوسری جانب،درجنوں لوگ اس وقت جیلونگ شہر میں آسٹریلوی وزیر دفاع رچرڈ مارلس کے دفتر کے روبرو بیٹھے ہیں، جو آسٹریلیا سے اسرائیل کے لیے اپنی فوجی حمایت ختم کرنے کا مطالبہ کر رہے ہیں۔ یہ گروپ، جس کی قیادت یہودی کارکن کر رہے ہیں، وہ ان لوگوں کے نام پڑھ رہے ہیں جو حالیہ ہفتوں میں غزہ میں مارے گئے ہیں۔ گروپ جیوش وائس فار پیس کے مطابق، 18 اکتوبر کو واشنگٹن ڈی سی میں امریکی کانگریس میں دھرنے کے دوران تقریباً 500 افراد کو گرفتار کیا گیا تھا۔