Israeli Ground Raid Inside Gaza اسرائیلی فوج کے ٹینک غزہ میں داخل ہوئے: اسرائیل

آئی ڈی ایف نے دعویٰ کیا ہے کہ، اسرائیل کی پیادہ فوج اور ٹینک غزہ میں داخل ہوئے اور حماس کے ٹھکانوں کو نشانہ بنا کر واپس اسرائیل کی سرحد میں داخل ہوگئے۔ آئی ڈی ایف نے غزہ میں زمینی کاروائی کا ایک ویڈیو بھی جاری کیا ہے۔ tanks and infantry entered northern Gaza overnight

یروشلم: اسرائیل کی دفاعی افواج (آئی ڈی ایف) نے جمعرات کی صبح اعلان کیا کہ "لڑائی کے اگلے مراحل کی تیاری کے ضمن میں اس کے ٹینک اور پیادہ دستوں نے شمالی غزہ میں داخل ہوکر حماس کے متعدد اہداف، انفراسٹرکچر اور ٹینک شکن میزائل لانچ پوسٹوں کو نشانہ بنایا۔ آئی ڈی ایف کی طرف سے جاری کردہ بیان کے مطابق، فوجی دستے اپنی کارروائی کے بعد سے علاقے سے نکل کر اسرائیلی علاقے میں واپس آ گئے۔ واضح رہے اس سے قبل اسرائیلی وزیر اعظم بنیامن نتن یاہو نے بدھ کو بیان دیا تھا کہ اسرائیل غزہ میں زمینی کاروائی کے لیے پوری طرح تیار ہے۔

اسرائیلی فوج نے کہا کہ ٹینک اور پیدل فوج راتوں رات شمالی غزہ میں داخل ہوئی، جس نے کئی جنگجو ہلاک ہوئے، اور فوجی انفراسٹرکچر اور اینٹی ٹینک پوزیشنوں کو تباہ کر دیا۔ فوج کے پانچ انفنٹری یونٹوں میں سے ایک گیواتی بریگیڈ کے کنٹرول میں ہونے والا یہ آپریشن "لڑائی کے اگلے مراحل" کی تیاری کے لیے کیا گیا تھا، آئی ڈی ایف نے اس کارروائی میں اسرائیلی فوجیوں کے کسی جانی نقصان کا ذکر نہیں کیا ہے۔

ماضی میں بھی ایسے ہی حملے ہوتے رہے ہیں جہاں فوجی غزہ میں داخل ہوئے۔ جو چیز اسے غیر معمولی بناتی ہے وہ یہ ہے کہ یہ پہلی بار ہوا ہے کہ ٹینک اس میں شامل ہوئے ہیں۔ اسرائیلی فوج کا کہنا ہے کہ وہ مخصوص اہداف کو ذہن میں رکھ کر آگے بڑھی۔ اس نے حماس کے متعدد جنگجوؤں کو ہلاک کرنے اور بنیادی ڈھانچے کو کافی نقصان پہنچانے کا دعویٰ کیا ہے۔ انہوں نے یہ بھی کہا کہ انہوں نے اینٹی ٹینک پوسٹوں کو نشانہ بنایا تھا۔ نتن یاہو نے بتایا تھا کہ تیاریاں اپنے آخری مراحل میں ہیں اور اسرائیلی جنگی کابینہ آگے بڑھنے کے بارے میں متفقہ فیصلہ کرے گی۔ غزہ میں زمینی کارروائی کو سے متعلق اسرائیل امریکہ کے دباؤ میں رہا ہے۔ نیتن یاہو اور بائیڈن کے درمیان کل فون پر بات چیت ہوئی تھی۔ امریکی صدر بائیڈن چاہتے ہیں کہ نتن یاہو یرغمالیوں کی حفاظت کو یقینی بنائے اور زمینی جنگ شروع ہونے سے پہلے ان کی رہائی کو یقینی بنائے۔