Indian Origin Pharmacist Jailed in UK برطانیہ میں بھارتی نژاد فارماسسٹ کو غلط ادویات سپلائی کرنے پر جیل

بھارتی نژاد فارماسسٹ دشیانت پٹیل کو 18 ماہ کی قید کی سزا سناتے ہوئے جج ایلس رابنسن نے کہا کہ یہ مدعا علیہ کی طرف سے اعتماد کی خلاف ورزی ہے، جو 40 سال سے زیادہ عرصے سے فارماسسٹ ہے۔ پٹیل کو معلوم ہونا چاہیے تھا کہ متاثرہ شخص ان دواؤں کی عادی تھی یا اس کا غلط استعمال کر رہی تھی۔ Indian Origin Pharmacist Jailed in UK

لندن: برطانیہ میں بھارتی نژاد فارماسسٹ کو نسخے کے بغیر ادویات فراہم کرنے پر 18 ماہ قید کی سزا سنائی گئی ہے۔ اس معاملے میں 2020 میں ایک خاتون کی موت ہو گئی تھی۔ دراصل لندن میں مقیم 67 سالہ دشیانت پٹیل، ایک فارماسسٹ ہے کا جس کا اس میڈان میں 40 سال سے زیادہ کا تجربہ ہے، اس نے علیشا صدیقی کو بغیر نسخے کے کلاس سی کی دوائیں فراہم کیں۔ اور اس کی لاش اگست 2020 میں نارویچ، انگلینڈ سے برآمد کی گئی تھی۔ Indian Origin Pharmacist Jailed in UK

دی نارویچ ایوننگ نیوز نے رپورٹ کیا کہ صدیقی کی موت کے چار ماہ بعد پولیس نے پٹیل کو ایک مشتبہ شخص کے طور پر گرفتار کیا اور اس پر منشیات کی فراہمی کا الزام عائد کیا گیا۔ صدیقی کی میڈیکل رپورٹس میں انکشاف ہوا ہے کہ اس کی موت منشیات کی زیادہ مقدار لینے کی وجہ سے ہوئی۔ اس کے فون ریکارڈ میں پٹیل کے ساتھ جنوری اور اگست 2020 کے درمیان متواتر بات چیت کرنے کا بھی انکشاف ہوا۔

عدالت نے نوٹ کیا کہ پٹیل نے بغیر نسخے کے متاثرہ کو زولپیڈیم اور زوپکلون ادویات فراہم کی تھیں۔ پٹیل کو 18 ماہ کی حراست کی سزا سناتے ہوئے جج ایلس رابنسن نے کہا کہ یہ مدعا علیہ کی طرف سے اعتماد کی خلاف ورزی ہے، جو 40 سال سے زیادہ عرصے سے فارماسسٹ ہے۔ جج رابنسن نے کہا کہ پٹیل کو معلوم ہونا چاہیے تھا کہ متاثرہ شخص ان دواؤں کی عادی تھی یا اس کا غلط استعمال کر رہی تھی۔ استغاثہ کا کہنا تھا کہ وہ بدلے میں رقم لے رہا تھا۔ پٹیل کے وکیل نے کہا کہ یہ حیران کن ہے کہ اس نے معمولی رقم کے لیے ایسا کام کیا۔